Almatyda qoǵamdy biriktirýdegi ádebıettiń róli talqylandy

10 qarashada Almaty qalasy Ortalyqtandyrylǵan kitaphana júıesine qarasty Qazaqstan jazýshylar kitaphanasynda «Ádebıet mádenı fenomen retinde. TMD elderiniń mádenıeti men shyǵarmashylyǵy» atty halyqaralyq dóńgelek ústel ótti, dep jazady assembly.kz.

Is-sharaǵa M.Áýezov atyndaǵy Ádebıet jáne óner ınstıtýtynyń bas dırektory K.Matyjanov, TMD elderiniń ókilderi: jazýshy, «Hýdojestvennaıa lıteratýra» baspasynyń bas redaktory Georgıı Prıahın, Belarýs Respýblıkasynan «Zvıazda» parlamenttik gazeti men baspa úıiniń bas redaktory Ales Karlıýkevıch qatysyp, Qazaqstan jazýshylary odaǵynyń múshelesi, jazýshy Nurdáýlet Aqysh, RÝDN kafedrasy meńgerýshisiniń orynbasary Galaı Karına, jazýshy Saıat Qamshyger, fılologııa ǵylymdarynyń doktory Álimjan Hamraev, «Qoǵamdyq kelisim» RMM respýblıkalyq Dostyq úıiniń qyzmetkeri Jalǵas Shynybekov, aqyn Abashev Aıbol sóz sóılep, óz pikirlerin bildirdi.

Dóńgelek ústel barysynda qatysýshylar otandyq ádebıet salasynyń qazirgi jaǵdaıy, onyń qoǵamdy uıystyrýshy áleýetin talqylady.

Qatysýshylardyń aıtýynsha ádebıet halyqtyń rýhanı ómiriniń boıaýy. Ádebıet halyqtyń tilek-múddesine tolyq sáıkes kelgen jaǵdaıda naǵyz halyqtyq sıpatqa ıe bolady. Osylaı polıetnıkalyq qazaqstandyq qoǵamda mádenıet fenomeni retinde ádebıettiń uıystyrýshy áleýeti, ári róli óte mańyzdy.

Sonymen qatar óskeleń urpaqtyń qalyptasýyna, rýhanı qanyq bolýyna ádebıettiń áseri zor ekendigin aıtyp, jalpy mádenıettiń ózekti máseleleri týraly pikir almasty.