"Iz ıstorıı deportasıı nemsev v Kazahstan 1941-1945 gg." kitabynyń tusaýkeseri ótti

2022 jyldyń 16 qarashasynda Almatydaǵy Nemis úıinde «Iz ıstorıı deportasıı nemsev v Kazahstan 1941-1945 gg.» atty kitabynyń tusaýkeseri ótti. Tusaýkeserdi qujattar jınaǵynyń avtory, f.ǵ.d., nemis tarıhshysy, qazirgi ýaqytta Germanııada turatyn jerlesimiz Alfred Eısfeld ótkizdi, dep jazady assembly.kz. 

Is-sharaǵa Qazaqstan halqy Assambleıasynyń, QR AQDM «Qoǵamdyq kelisim» RMM, «Deutsche Allgemeine Zeitung» respýblıkalyq nemis gazetiniń ókilderi, QHA belsendileri men stýdentteri, nemis tili kýrstary, nemis jastarynyń klýby jáne «Vozrojdenıe» nemisterdiń Almaty mádenı-etnıkalyq qoǵamy men BAQ tilshileri qatysty.

Jınaq avtory Alfred Eısfeld sharaǵa qatysýshylarǵa «Iz ıstorıı deportasıı nemsev v Kazahstan 1941-1945 gg.» kitabyn jazý barysynda zertteý ujymynyń atqarǵan jumystary týraly aıtyp berdi jáne jınaqtalǵan materıaldar men qujattardyń alǵashqy ret jarııalanǵanyn atap ótti. Jıyn qonaqtary nemisterdi deportasııalaý, muraǵat materıaldarymen jumys jáne ózge de máseleler boıynsha avtorǵa óz suraqtaryn qoıyp, tushshymdy jaýaptar aldy.

Is-shara sońynda barlyq qatysýshylarǵa «Iz ıstorıı deportasıı nemsev v Kazahstan 1941-1945 gg.» kitabynyń Alfred Eısfeldtiń qoly qoıylǵan kóshirmeleri tabystaldy.