• USD 468.56

  • EUR 497.56

  • RUB 7.3

  • CNY 67.18

29 Naýryz, 19:05:41
Almaty
+35°
21 qyrkúıekte Reseı prezıdenti Vladımır Pýtın jarııalaǵan ishinara mobılızasııa shyn máninde tolyqqandy mobılızasııa bolyp shyǵyp, onyń toqtaǵany týraly aıtylǵanymen jer-jerde azamattardy áskerge shaqyrý jalǵasyp jatyr. Mobılızasııalanǵan jaýyngerlerdiń jaı-kúıi nashar ekeni, keı jerlerde shaqyrylǵandar esh daıyndyqsyz maıdan dalasyna jiberilip jatqany týraly aqparat kóp. VVS-diń orys qyzmeti mobılızasııalanǵandardyń aýyr jaǵdaıy týraly materıal jarııalady.

Ol jerde shaqyrylǵandarǵa eshqandaı jaǵdaı jasalmaǵany, olardy eshkim daıyndap jatpaǵany, kólikpen qamtyp, qarý berýge múmkindik joǵy týraly aıtylady.

Qazirgi ýaqytta Reseıde mobılızasııalanǵandardyń analary men áıelderi qoǵamdyq uıymdar quryp, jaqyndaryn taýyp, olardy qaıtarýǵa nemese áskerdegi jaǵdaıyn jaqsartýǵa qol jetkizýge tyrysyp júr. Ázirge olardy bılik elep otyrǵan joq.

Kreml mobılızasııa kezinde keıbir "qatelikter" baryn moıyndap, olardy sheshetinin aıtqan. Alaıda mobılızasııalanǵandar men olardyń jaqyndary áskerı bólimder men fronttaǵy jaǵdaı áli de aýyr ekenin kórsetip keledi. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir