Qos azamattyqpen júrgen Rıdder turǵyny jaýapqa tartyldy

Qos azamattyqpen júrgen Rıdder turǵyny jaýapqa tartyldy, dep habarlaıdy Polisia.kz.

 Qazaqstan zańnamasy boıynsha kez kelgen basqa azamattyǵyn alǵannan keıin adam kúntizbelik 30 kún ishinde qazaqstandyq úlgidegi pasport pen jeke kýálikti tapsyrýǵa jáne azamattyǵynan aıyrylǵanyn tirkeýge mindetti.

Alaıda Qazaqstannyń keıbir turǵyndary basqa memlekettiń azamattary bola otyryp, Qazaqstanǵa kirý jáne turý úshin qazaqstandyq qujattardy paıdalanady. Azamattar Qazaqstannyń áleýmettik, zeınetaqy jáne basqa da jeńildikterin paıdalaný úshin azamattyqtyń aýysý faktisi týraly habarlaýǵa asyqpaıdy.

– Qarasha aıynda kóshi-qon qyzmetiniń qyzmetkerleri Rıdder qalasynyń 21 jastaǵy turǵynyn anyqtaǵan. Ol 2020 jyldyń shildesinde Reseı Federasııasynyń azamattyǵyn alǵan, alaıda ol týraly málimdemegen jáne sáıkesinshe QR azamattyǵyn joǵaltýdy ýaqtyly rásimdegen, – dedi ShQO PD Kóshi-qon qyzmeti basqarmasy bastyǵynyń mindetin ýaqytsha atqarýshy Rınat Shkıbaev.

Sot sheshimi boıynsha quqyq buzýshy 200 AEK aıyppul túrinde QR ÁQBtK-niń 496-baby 2-bóligi (Qazaqstan Respýblıkasynyń azamattyq týraly zańnamasyn buzý) boıynsha ákimshilik jaýapkershilikke tartyldy. Jas jigitten Qazaqstan Respýblıkasy azamatynyń pasporty tárkilenip, Qazaqstan azamattyǵynan aırylý rásimdeldi.

– Jyl basynan beri ShQO Polısııa departamenti 50-den astam qos azamattyq faktisin anyqtady, – dep jalǵastyrdy Rınat Shkıbaev.