• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 03:59:26
-6°

Búgin Almaty qalasynda ál-Farabı atyndaǵy Qazaq ulttyq ýnıversıtetinde Qazaqstan musylmandary dinı basqarmasynyń uıymdastyrýymen «Bereke bastaýybirlikte» taqyrybynda respýblıkalyq ǵylymı-tanymdyq konferensııa ótti. Bas múftı Naýryzbaı qajy Taǵanuly arnaıy baıandama jasady.

Aıtýly jıyn qasıetti Quran aıatymen ashylyp, Bas múftı Naýryzbaı qajy Taǵanuly babalar rýhyna aıat saýabyn baǵyshtady. Osydan keıin qoǵamda birlikti nyǵaıtýdyń mańyzy men osy baǵyt boıynsha múftııattyń atqarǵan jumystary jaıly ázirlengen beıne rolık halyq nazaryna usynyldy.

Konferensııa jumysyna QMDB Tóraǵasy Naýryzbaı qajy Taǵanuly, ál-Farabı atyndaǵy Qazaq ulttyq ýnıversıtetiniń rektory Janseıit Túımebaev, jazýshy Smaǵul Elýbaı t.b. zııaly qaýym ókilderi, ǵalymdar, Almaty qalasynyń bas ımamy Tólebı Dádiluly bastaǵan din qyzmetkerleri, shákirtter men stýdentter qatysty.

Foto: Almaty ortalyq meshitiniń baspasóz qyzmeti

«Quranda«(Alla paıǵambarlaryn jiberýarqyly) jer betin túzep, jónge keltirgennen keıin, onda búlik shyǵaryp, buzyqtyq jasamańdar. Odan qorqyp ári meıiriminen úmit ete otyryp duǵa etińder. Shúbásiz, Allanyń raqymy izgi jandarǵa óte jaqyn» («Aǵraf» súresi, 56-aıat) deıdi.

Rasynda halyqtar arasyndaǵy tatýlyq adamdar arasyndaǵy tatýlyqtan, baýyrlastyqtan bastalady. Baýyrlastyq jalpy adamzattyq týysqandyqqa jol ashady. Aǵashtyń dińi myqty bolmasa, butaǵy da álsiz bolmaı ma? Olaı bolsa aldymen kózi ashyq azamattar ózara tatý bolýy kerek. Sonda ǵana adamzat tatýlyqtyń týyn bıik ustaıdy. Sebebi parasatty adamdar aýrýdyń emin ózgelerden artyq biledi» dedi Naýryzbaı qajy Taǵanuly.

Foto: Almaty ortalyq meshitiniń baspasóz qyzmeti

Konferensııada «Islam – yntymaq kepili», «Birlikbereke bastaýy», «Qutty biliktegi tutastyq ıdeıalogııasy» taqyryptarynda zııaly qaýym ókilderi baıandama jasady. Aıta ketsek, ıgi basqosý Bas múftı Naýryzbaı qajy Taǵanulynyń dinı qyzmet aıasynda 2022 jyldy «Islam – yntymaqpen birlik dini» jyly dep jarııalaǵan bastamasyna oraı uıymdastyryldy.

Foto: Almaty ortalyq meshitiniń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir