• USD 468.56

  • EUR 497.56

  • RUB 7.3

  • CNY 67.18

29 Naýryz, 15:07:38
Almaty
+35°

305 sheneýniktiń kazınoda 507 mıllıon teńge shyǵynǵa ushyraýyna qatysty barlyq memlekettik organ tergeý júrgizgen. Kazınoǵa barǵandardyń arasynda Qarjy monıtorıngi agenttiginiń qyzmetkerleri de bolǵan. Bul týraly agenttiktiń kadr jumysy departamentiniń dırektory Nurlan Adalıev málimdedi.

Onyń aıtýynsha, agenttiktiń eki qyzmetkeri tártiptik jaýapkershilikke tartylǵan.

"Eger bizdiń agenttikke erekshe toqtalatyn bolsaq, bul tekseristiń qorytyndysy boıynsha bizdiń birqatar qyzmetkerler anyqtaldy. Barlyq faktiler boıynsha qyzmettik tekserýler júrgizildi. Tórt qyzmetker qyzmettik tapsyrmalarǵa baılanysty kazınoda bolǵan, al eki qyzmetker boıynsha faktiler rastaldy. Atalǵan qyzmetkerler qyzmettik talaptardy tolyq oryndamaǵany týraly eskertý túrindegi qatań tártiptik jaýapkershilikke tartyldy", - dedi Nurlan Ádalıev.

Nurlan Ádalıevtiń aıtýynsha, qalǵan qyzmetkerler tekseriske deıin qarjy monıtorıngi agenttiginen jumystan shyǵyp ketken. Sondaı-aq árbir fakti muqııat tekserilgenin jáne jaǵdaı baqylaýda ekenin atap ótti.

Eske salsaq, buǵan deıin jelide Almaty oblysy prokýratýrasy júrgizgen tekseristiń nátıjesi jarııalandy. Onda kazınoǵa jıi baryp turatyn 300-den astam memlekettik qyzmetshi týraly aıtylǵan.
 
Túrli memlekettik organdardyń 305 qyzmetkeri qumar oıyndarǵa 507 mln teńge jumsaǵan. Olardyń arasynda ishki ister mınıstrliginiń - 97, qorǵanys mınıstrliginiń - 95, qarjy mınıstrliginiń - 25, sondaı-aq Antıkor, Qarjy monıtorıngi agenttigi, Joǵarǵy sot pen ákimdikterdiń qyzmetkerleri bar.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir