• USD 465.38

  • EUR 483.58

  • RUB 7.69

  • CNY 64.95

27 Qarasha, 17:49:37
Almaty
-9°

"Táýelsiz baqylaýshylar" qoǵamdyq birlestigi Adam quqyqtary jónindegi halyqaralayq bıýronyń press-ortalyǵynda 20 qarashada ótken kezekten tys prezıdent saılaýyn Almaty qalasy boıynsha baqylaý nátıjesin jarııalady.

Birlestik jetekshisi Araılym Nazarovanyń aıtýynsha, qoǵamdyq uıym 98 baqylaýshyny daıyndap, olardyń 87-si saılaý ýchaskelerinde baqylaý júrgizgen. "Táýelsiz baqylaýshylar" birlestigi 60 saılaý ýchaskesin baqylaǵan, onyń ishinde Naýryzbaı aýdanyndaǵy barlyq saılaý ýchaskeleri qamtylǵan.

Baqylaýshylardyń qolynda 64 hattama bar. Hattama kóshirmesin baqylaýshyǵa bermeý deregi boıynsha 11 is sotqa daıyndalyp jatyr.

"Táýelsiz baqylaýshylar" qoǵamdyq birlestigi baqylaý júrgizgen ýchaskelerdegi nátıje boıynsha, saılaýǵa daýys berý quqyǵy bar azamattardyń 18 paıyzy ǵana qatysqan. Al saılaý ýchaskeleri hattamalarynda saılaýǵa qatysý kórsetkishi 27 paıyz delingen. OSK nátıjesi de soǵan jaqyn – 28,72%.

Baqylaýgshylar sanaǵynda, kandıdattardyń jınaǵan daýsy tómendegideı:

Qaraqat Ábden – 2,41%;

Nurlan Áýesbaev – 2,75%;

Jıgýlı Daırabaev – 3,69%;

Meıram Qajyken – 1,02%;

Qasym-Jomart Toqaev – 69,53%;

Saltanat Tursynbekova – 2,19%;

Bárine qarsymyn baǵany – 9,32%;

Búlingen bıýletender – 8,85%.

Qazirgi prezıdentten ózge kandıdattarǵa berilgen daýys nátıjesi Táýelsiz baqylaýshylar sanaǵy men Ortalyq saılaý komıssııasynyń sanaǵynda uqsas. OSK saılaýda Qaraqat Ábden 2,6%, Nurlan Áýesbaev 2,22%, Jıgýlı Daırabaev 3,42%, Meıram Qajyken 2,53%, Saltanat Tursynbekova 2,12% daýys jınady dep jarııalaǵan. Al kandıdat Qasym-Jomart Toqaev jınaǵan daýysta 12 paıyzǵa jýyq alshaqtyq bar. OSK qazirgi prezıdent 81,31 paıy daýyspen jeńiske jetti deıdi. Aıtarlyqtaı alshaqtyq "bárine qarsymyn" baǵanynda da baıqalady. Táýelsiz baqylaýshylar saılaýshylardyń 9,32 paıyzy bárine qarsylyǵyn bildirdi dese, resmı nátıjede baǵandy tańdaýshylar 5,8% bolǵany aıtylady.

Baqylaýshylar saılaý qarsańynda keńselerinde birde jaryq, birde ınternet óshirilip jumys barysyna kedergi jasalǵanyn jetkizdi. Basqa keńse izdeýge tyrysqanynda jalǵa berýshiler bılikpen qıyndyq týa ma dep qorqyp, baqylaýshylarǵa ǵımaratty jalǵa berýden bas tartqan. Baspasóz jıyny barysynda baqylaýshy bolamyn dep kelip, baqylaýshy kýáligin qolǵa túsirmek bolǵandar da kezdeskeni atap ótildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir