• USD 468.56

  • EUR 497.56

  • RUB 7.3

  • CNY 67.18

28 Naýryz, 20:37:04
Almaty
+35°

"Qazfosfat" JShS-ǵa qarasty "Jańa Jambyl fosfor zaýyty" fılıaly mańyna jınalǵan jumysshylar jalaqynyń azdyǵyna jáne basshylardyń dórekiligine narazylyq bildirdi. Narazylyq kezindegi vıdeolardy jýrnalıst Nuradın Rakaı jarııalady.

Azattyq radıosynyń dereginshe, zaýyttaǵy jumysshylardyń áleýmettik jaǵdaıy óte nashar, eńbek qaýipsizdigi saqtalmaı kelgen. Basshylardyń biri, sıfrlyq transformasııa jónindegi basqarma basshysy, Reseı azamaty Oleg Kýlıkov jumysshylar shaǵymdanǵan kezde "qazaqtardy balaǵattaǵan". Olar Oleg Kýlıkov jumysshylardy "qoı" dep balaǵattaǵanyn aıtady. Budan soń jumysshylar kóterilip, keńse aldyna jınalǵan.

Jumysshylardyń sózinshe, basshylyq "halyq kóterilip kete me" dep qoryqqan. Bul jaqqa keminde 12-15 kólikpen arnaıy jasaq ákelingen. Oqıǵa ornyna Taraz ákimi, prokýratýra ókilderi kelgen.

Aqparatqa qaraǵanda, 23 qarashada ereýilden keıin jınalys bolǵan. Oǵan árbir sehtan bir-bir jumysshydan qatystyrylǵan. Onda aılyqty ósirý, jumys zııandyǵy týraly tólemaqyny qaıtarý, arnaıy kıimmen qamtamasyz etý, kásipodaq, is-qaǵazdardyń qazaqsha júrgizilmeýi jáne ózge máseleler qozǵalǵan.

Jambyl aýdany ákimdigi narazylyqqa qatysty qysqa habarlama taratyp, "ultaralyq másele týyndamaǵanyn" aıtty.

"Reseı azamaty jumysshylardan keshirim surady jáne jumystan bosatyldy. Sondaı-aq jumysshylardyń talap-tilekteri men usynys-pikirleri boıynsha jumysshy top qurylyp, zerdeleý jumystary uıymdastyrylyp jatyr. Ultaralyq másele bolmaǵan. Zaýyt shtattyq rejımde jumys istep jatyr" dep jazylǵan habarlamada.

Jumysshylardyń sózine qaraǵanda, saǵat 14:30-daǵy jaǵdaı boıynsha narazylar zaýyt aýmaǵynan tarap ketken.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir