Iri alaıaqtyq istermen aınalysqan top ustalǵany habarlandy

Sybaılas jemqorlyqqa qarsy qyzmet arnaıy operasııa nátıjesinde alaıaqtar toby áshkerelengenin habarlady.

Antıkor aqparatynda olar memlekettik organdar basshylarynyń senimdi adamdary bolyp kórinip, azamattardy adastyryp, ártúrli máselelerdiń sheshimi úshin para berýge ıtermeleý arqyly olardyń aqshalaı qarajatyn urlaǵany aıtylady.

"Top músheleriniń biri azamat B.Q. Ábdikerimov sottyń sanksııasymen qamaýǵa alyndy. Basqa qatysýshy azamat M.J. Turanovtan «Halyqaralyq polısııa ortalyǵy» («Interpol Center UN») general-maıorynyń kýáligi tárkilendi. Qazirgi ýaqytta qylmystyq is boıynsha jedel-tergeý is-sharalar kesheni júrgizilýde. Atalǵan adamdardyń basqa qylmystar jasaýǵa qatysy bar-joǵy tekseriledi" delingen habarlamada.