• USD 465.38

  • EUR 483.58

  • RUB 7.69

  • CNY 64.95

27 Qarasha, 17:36:51
Almaty
-9°
Reseılik saıasattanýshy Dmıtrıı Drobnıskııdiń Qazaqstan týraly aıtqan arandatý sıpatyndaǵy sózderine syrtqy ister mınıstrliginiń ókilderi ádettegideı sarynda jaýap berdi. 
 
"Drobnıskııdiń sózderi Reseı bıliginiń kózqarasyn bildirmeıdi, mundaı málimdemeler eki el arasyndaǵy tyǵyz qarym-qatynasqa nuqsan keltiredi" dep jumsaq sóılegen Syrtqy ister mınıstriniń orynbasary Roman Vasılenkonyń tek "málimdemege Reseı bıligi reaksııa tanytýy kerek" degeni ǵana naqty shyqty.
 
Informburo.kz saıtynyń keltirýinshe, atalǵan jaıtqa baılanysty Reseı elshisin shaqyrtý, narazylyq notasyn joldaý týraly ázirge aqparat joq.

Reseı telearnalarynyń birinen kórsetiletin "Vecher s Vladımırom Solovevym" baǵdarlamasynyń 20 qarasha kúngi shyǵarylymynda reseılik saıasattanýshy Dmıtrıı Drobnıskıı Reseıdiń kelesi problemasy Qazaqstan bolatynyn aıtqan. 

"Ol jaqta da Ýkraınadaǵydaı nasıstik prosester bastalýy ábden múmkin. Ol jaqta orystar kóp, Rosatomǵa qajetti ıadrolyq janarmaı da bar" degen ol Semeı men eldiń aýmaǵy týraly sóziniń artyn jep qoıdy. Ol Qazaqstannyń keı jerleri Reseıdiki degendi aıtqysy kelgen bolýy múmkin. О́ıtkeni osyǵan uqsas sózder buǵan deıin Reseı depýtattary tarapynan áldeneshe ret aıtylǵan. 

Qazaqstan bıligi mundaı daýly málimdemeler jekelegen adamdardyń kózqarasy ekenin, Reseı bıliginiń ustanymyn bildirmeıtinin qaıtalaýmen keledi.

Qoǵam belsendileri eger Reseı Ýkraınadaǵy soǵysta jeńiske jetse, Qazaqstanda orys etnosynyń ókilderine qysym jasalyp jatyr degen syltaýmen áskerı qımyldarǵa barýy múmkin ekenin jıi aıtady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir