• USD 465.38

  • EUR 483.58

  • RUB 7.69

  • CNY 64.95

27 Qarasha, 18:14:57
Almaty
-9°
Dúnıejúzilik densaýlyq saqtaý uıymy Eýropa bóliminiń basshysy Hans Henrı Klıýge Reseı Ýkraınanyń energetıkalyq ortalyqtaryna shabýyl jasap, olardy isten shyǵaryp jatqanynyń saldarynan aldaǵy qysta mıllıondaǵan ýkraınalyqtyń ómirine qaýip tónip turǵanyn málim etti.

Onyń aıtýynsha, Ýkraına energetıka ınfraqurylymynyń jartysy ne búlingen, ne tolyq qıraǵan. Bul – qazirdiń ózinde densaýlyq saqtaý júıesi men adamdardyń ómirine áserin tıgizip otyr.

DDSU málimetinshe, osy qysta eki-úsh mıllıon ýkraınalyq sýyq úıin tastap, jansaýǵalap ketýi múmkin. Jaryq pen jylýdyń joqtyǵy tumaý men koronavırýsty qozdyrýy yqtımal.

Qazirdiń ózinde jaryq pen sý jetispeýinen júzdegen aýrýhana durys jumys isteı almaı otyr. 

Birer kúnde Ýkraınaǵa qar jaýyp, aýa temperatýrasy nólden tómendegen. Qysta 20 gradýsqa deıin aıaz bolýy múmkin.

Reseı shabýyly saldarynan Ýkraınadaǵy elektrenergııasynyń 25 paıyzyn óndirip kelgen Zaparoj AES-i qazir múlde istemeıdi. Qazirgi ýaqytta Kıev, Vınnısk, Sýmsk, Ternopols, Cherkassk, Odessa oblystarynda jaǵdaı qıyn. 

Ýkraınanyń energetıkalyq Yasno kompanııasynyń basshysy elektrenergııasynyń tapshylyǵy kóktemge deıin jalǵasýy múmkin ekenin, Reseı jańa shabýyldar jasamasa, elektrenergııa tapshylyǵyn el aýmaǵyna teńdeı bólip, jaryqty turaqty túrde, biraq az ýaqytqa sóndirý arqyly tolyq óshirýdiń aldyn alýǵa bolatynyn atap ótti. Al shabýyl jalǵassa, jaryq uzaq ýaqytqa bolmaýy múmkin ekenin jetkizdi.

El prezıdenti Vladımır zedenskıı elektrenergııasyn únemdep paıdalanýǵa shaqyryp otyr.

Derekkóz: VVS

"Qamshy" silteıdi
Ilmek sózder: Ýkraınadaǵy jaǵdaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir