Arystanbek Muhamedıulyn qamaýda ustaý merzimi taǵy bir aıǵa uzartyldy

Ulttyq mýzeıdiń burynǵy dırektory Arystanbek Muhamedıulyn qamaýda ustaý merzimi taǵy bir aıǵa sozyldy.

"2022 jylǵy 18 qarashada Astana qalasynyń mamandandyrylǵan aýdanaralyq tergeý soty kúdikti Muhamedıuly Arystanbekke qatysty belgilengen kúzetpen ustaý túrindegi bultartpaý sharasynyń merzimin bir aıǵa uzartty" delingen Astana qalalyq sotynyń baspasóz qyzmeti habarlamasynda.

Arystanbek Muhamedıuly 29 mamyrda bıýdjet qarajatyn jymqyrdy degen kúdikpen qamaýǵa alynǵan. Ol "Altyn adamnyń álem murajaılary boıynsha sherýi" halyqaralyq kórmesin ótkizý, sondaı-aq "Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrııalyq 3D-skanerleý" jáne "Qazaqstan Respýblıkasynyń Ulttyq sıfrlyq kınokolleksııasyn sıfrlandyrý" jobalaryna bólingen bıýdjet qarajatyn urlady degen kúdikke ilingen.