• USD 465.38

  • EUR 483.58

  • RUB 7.69

  • CNY 64.95

27 Qarasha, 18:16:17
Almaty
-9°

Qazan aıynda birinshi sanattaǵy jumyrtqanyń baǵasy bir aıda 6,3%, bir jylda 14,8% qymbattaǵan. Bul týraly Energyprom portaly habarlady.

Sońǵy aıdaǵy eń joǵary qqymbatshylyq Ulytaý oblysynda tirkelgen. Ol jerde jumyrtqa bir aıda birden 19,8 paıyzǵa ósken. Odan keıin Pavlodar (14,7% qymbattady) jáne Qyzylorda (13,6% qymbattady) oblystary. Baǵanyń eń az ósimi Almaty oblysynda tirkeldi (0,4%). 20 oblystyń ishinde baǵa aı saıynǵy dınamıka boıynsha tek Almatyda ózgergen joq.

Jyldyq dınamıka boıynsha jumyrtqa Qyzylorda oblysynda 52,2%, Qostanaı oblysynda 34,1%, Batys Qazaqstan oblysynda 32,5%-ǵa qymbattaǵan. Bul rette baǵa Almatyda, kerisinshe, 4%, Jetisý oblysynda 0,4% tómendegen. 

2022 jylǵy qańtar-qyrkúıek aralyǵynda elde jumyrtqa óndirisi 3,8 mlrd danany qurady, bul – bir jyl burynǵydan 5,3% artyq.

О́ńirler boıynsha Soltústik Qazaqstan oblysy kósh bastap tur: óndiris 40,7% kóbeıip 559,9 mln danaǵa jetti. Odan keıin Aqmola (555,5 mln jumyrtqa, 7,4% azaıǵan) jáne Qaraǵandy (472,9 mln jumyrtqa, 2% azaıǵan) oblystary tur.

Bıylǵy qańtar–tamyz aılarynyń qorytyndysy boıynsha, jergilikti kásiporyndar suranysty 96,3 paıyzǵa qamtamasyz etken. Import tıisinshe resýrstardyń 3,7%-yn quraǵan. Jyl basynan beri elge 130,8 mln dana jumyrtqa ákelingen.

"Qamshy" silteıdi
Ilmek sózder: qymbatshylyq

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir