Taldyqorǵanda qulaǵan Nazarbaev eskertkishiniń ornyna Abaı eskertkishi qoıylýy múmkin

Taldyqorǵanda Qańtar oqıǵasy kezinde qulaǵan eks-prezıdent Nursultan Nazarbaev eskertkishiniń ornyna uly aqyn Abaı Qunanbaevqa arnalǵan eskertkish qoıylýy múmkin. Bul týraly Jetisý oblysynyń ákimi Beıbit Isabaevtyń jergilikti turǵyndarmen kezdesýinde aıtyldy.

Jıynda turǵyndardyń biri qalaǵa Abaı eskertkishin qoıý máselesi birneshe jyldan beri sheshilmeı kele jatqany kóterdi. Oblys ákimi eskertkish qazir Almatyda jasalyp jatqanyn, 2-3 aıda daıyn bolatynyn, tek ornyn anyqtaý qalǵanyn jetkizdi. Osy kezde turǵyndardyń biri ony Nazarbaev eskertkishiniń ornyna qoıyp, Nazarbaev kóshesin qaıtadan táýelsizdik dep ataýdy usyndy. Buǵan zal dýyldatyp shapalaq soqty. Ákim halyq pikiri eskeriletinin málim etti.

Taldyqorǵandaǵy Nazarbaev eskertkishi 2016 jyly ornatylǵan. Ony oblystyń sol kezdegi basshysy Amandyq Batalov ashqan. Al 2022 jylǵy qańtar oqıǵasy kezinde jurtshylyq eskertkishti qulatyp, soden beri ony eshkim qaıta turǵyzbady.