Almaty oblysynyń ákimi Talǵardaǵy balalardy ońaltý ortalyǵyna bardy

Almaty oblysynyń ákimi Marat Sultanǵazıev Talǵar qalasyndaǵy Balalardy ońaltý ortalyǵynda boldy, dep habarlady oblys ákiminiń baspasóz qyzmeti.

Bul mekemeniń biregeıligi-munda erekshe qajettilikteri bar balalardy ońaltý jáne qoǵamǵa beıimdelý úshin barlyq jaǵdaılar jasalǵan. 40 balaǵa arnalǵan ortalyq zamanaýı medısınalyq tehnıkamen jabdyqtalǵan.

Oblystyń jumyspen qamtý jáne áleýmettik baǵdarlamalar basqarmasynyń basshysy Aıgúl Ahmetova atap ótkendeı, estý, tirek-qımyl apparaty, kórý, sóıleý, qarym-qatynas jáne minez-qulqy buzylǵan árbir bala úshin ońaltýdyń jeke baǵdarlamasy ázirlenýde.

– Bul jerde keshendi psıhologııalyq-pedagogıkalyq, túzetý jáne ońaltý kómegin ala alatyn Almaty oblysynyń barlyq óńirlerinen kámeletke tolǵanǵa deıingi balalar em alady. Ortalyqta mamandar aýtızm, serebraldy sal aýrýy jáne basqa da birqatar aýrýlar dıagnozy qoıylǵan balalarmenjumys jasaıdy. Ortalyq qyzmetkerleri-klassıkalyq pedagogıkalyq jáne defektologııalyq bilimi bar pedagog-defektologtar, – dep atap ótti Aıgúl Ahmetova.

Oblys ákimi mekeme jumysymen tanysyp, mamandarmen áńgimelesti.

Ortalyq qyzmetkerleriniń aıtýynsha, arnaıy jabdyqtalǵan dene shynyqtyrý bólmeleri balalardyń densaýlyǵyn tez qalpyna keltirýge kómektesedi, al montessorı pedagogıkasyn qoldaný ózdiginen damýǵa septigin tıgizedi. Ortalyqtyń ereksheligi árbir balany ońaltý jeke baǵdarlama boıynsha júrgiziledi jáne oblystyń basqa aýdandarynan kelgen balalarǵa barlyq jaǵdaılar bar.

Kezdesýdi qorytyndylaı kele, oblys ákimi Marat Sultanǵazıev erekshe qajettilikteri bar balalarǵa arnalǵan osyndaı mekemelerdiń jetispeýshiligine nazar aýdardy. Oblys basshysy ákimdjik tarapynan qajetti qoldaýdyń barlyq keshenin kórsetetinin atap ótti.