• USD 465.38

  • EUR 483.58

  • RUB 7.69

  • CNY 64.95

27 Qarasha, 17:07:46
Almaty
-8°

Almatyda krematorıı qurylysynyń merzimi baǵanyń ósýine jáne smetany ózgertý qajettiligine baılanysty keıinge shegerildi. Krematorıı qurylysy 2023 jyldyń alǵashqy aılarynda aıaqtaý josparlanyp otyr. Bul týraly qala ákimdiginiń baspasóz qyzmeti málimdedi.

Vedomstvo málimetinshe, Almatydaǵy krematorıı qurylysy transformatorlyq qosalqy stansa men gaz qubyrynyń trassasyn ornatýdy qospaǵanda 80 paıyzǵa oryndalǵan. 

"2021 jyldyń ekinshi toqsanynda baǵanyń serpindi ósýine baılanysty qurylys-montajdaý jumystaryn júrgizý kezeńine transformatorlyq qosalqy stansııanyń smetalyq quny ózgerdi. Gaz qubyrynyń baǵyty men jalǵaý núktesi de ózgertildi. Osyǵan baılanysty Ishki memlekettik aýdıt komıtetine ótinish joldanyp, jobalyq-smetalyq qujattamany túzetýge kelisim alyndy. Jobalaý uıymy jobany túzetý jumystaryn júrgizdi. Qazirgi ýaqytta jergilikti bıýdjet komıssııasynyń qaraýyna usyný úshin qujattar daıyndaldy. Ol bekitilgennen keıin "Memsaraptama" RMK-dan oń qorytyndy alyp, qurylys-montaj jumystaryn júrgizý qajet. Osyǵan baılanysty nysandy ashyp, paıdalanýǵa berý keıinge shegerilip otyr. Boljamdy merzim – 2023 jyldyń birinshi toqsany", – delingen habarlamada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir