• USD 468.56

  • EUR 497.56

  • RUB 7.3

  • CNY 67.18

29 Naýryz, 08:36:11
Almaty
+35°

Túrkııa bıligi AQSh-tyń kóńil aıtý jedelhatyn qabyldamaıtynyn málimdedi. Bul týraly Túrkııanyń Ishki ister mınıstri Súleımen Soıly habarlady dep jazady Hurriyet basylymy. 

"Bul bizge jasalǵan eskertý ekenin jaqsy bilemiz. Mundaı eskertý jasaýdyń negizgi sebebinen de habardarmyz. AQSh-tyń kóńil aıtýyn qabyl almaımyz. Bul eskertýge qarsy úlken bir jaýap beretin bolamyz", dedi Súleımen Soıly. 

Budan bólek, mınıstr Istıklıal kóshesine jarylǵysh zat qaldyrǵan áıel Grekııaǵa qashyp ketýdi josparlaǵanyn habarlady. 

"Árıne, mundaı arsyzdyqqa, opasyzdyqqa shydaı almaıtynymyzdy aıtqym keledi. Istıklıal kóshesi bizdiń ortalyqta ornalasqan tanymal kóshemiz. Jasalǵan teraktige qatysty arnaıy operasııalar áli de jalǵasyp jatyr. Terorıster qolǵa tústi. Eger ustalmasa Grekııaǵa qashyp ketetin edi. Biz teraktiniń qalaı josparlanǵanyn, qalaı iske asyrylǵanyn jaqsy bilemiz. Alla ultymyzǵa amandyq bersin" dedi mınıstr. 

Keshe Stambýldyń ortalyq kóshelerdiń biri Istıklıalda bolǵan jarylys bolǵan. Saldarynan 6 adam qaza taýyp, 81 adam jaralanǵan. Túrkııa IIM basshysy jarylǵysh zatty qaldyrǵan áıel men taǵy 21 kúdikti ustalǵanyn málimdedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir