Almatyda “Meniń otanym – zaıyrly Qazaqstan” taqyrybynda shyǵarmashylyq baıqaý ótti

Almaty qalasy Din ister jónindegi basqarmasynyń qoldaýymen jáne «Adam jáne qoǵam» qoǵamdyq uıymynyń uıymdastyrýymen jastar arasynda «Meniń otanym – zaıyrly Qazaqstan» taqyrybyna esse daıyndaý boıynsha shyǵarmashylyq baıqaý ótkizilgen bolatyn.

Baıqaýdyń basty talaby qatysýshylar áleýmettik jelilerdegi óz paraqshasynda (qazaq nemese orys tilderinde) post esse jazý jáne taqyryptyq slaıd ázirleý kerek bolatyn.

Aǵymdaǵy jylǵy 10 qarasha kúni «Almaty daryny» daryndy balalar men talantty jastardy anyqtaý jáne qoldaý jónindegi ortalyǵynda jeńimpazdardy marapattaý rásimi ótkizildi.

Baıqaýǵa qatysyp, ózgelerden ozyq bolǵandar júldeli syılyqtarǵa ıe boldy. Jalpy utys qory 500 myń teńge qurady.

Atalǵan baıqaýdy uıymdastyrýdaǵy basty maqsat qatysýshylardyń shyǵarmashylyq áleýetin damytýǵa yqpal etý, jastardy Otandy súıýge, elimizdiń rámizderin qasterleýge, memlekettiń din salasyndaǵy saıasatyn jastar arasynda nasıhattaý bolyp tabylady.

Zaıyrlylyq qundylyqtardy nasıhattaýǵa, toleranttylyqty damytýǵa jáne destrýktıvti dinı aǵym ıdeologııasynyń aldyn alýǵa baǵyttalǵan bundaı baıqaýlar Almaty qalasy Din isteri jónindegi basqarmasy tarapynan jalpy halyqtyń dindar bóligi men jastar arasynda kóptep uıymdastyrylýda jáne aldaǵy ýaqytta óz jalǵasyn tabatyn bolady.