Shymkenttikter shylymdy basqa óńirdegilerge qaraǵanda az shegedi eken

Bıylǵy qańtar-qyrkúıek aılarynda el kásiporyndary 13,5 mlrd dana shylym, sıgar, papıros jáne basqa da uqsas ónimder shyǵarǵan. Bul – ótken jylmen salystyrǵanda 15 paıyzǵa artyq. Aqshalaı eseptegende 206,5 mlrd teńgeniń ónimi óndirildi, dep habarlady energyprom.kz portaly.

2022 jylǵy segiz aıdyń qorytyndysy boıynsha jergilikti kompanııalar shylymǵa degen ishki suranystyń 60,1 paıyyn qamtamasyz etken. Import úlesi tıisinshe 39,9%.

Ishki satylym ótken jylmen salystyrǵanda 27,1% ósip, 15,2 mlrd dana boldy.

Bıylǵy ekinshi toqsanda azamattardyń temeki ónimderine jumsaǵan shyǵyny 11,2 myń teńgege jetti, bul – bir jyl burynǵydan 9,8% kóp.

Elde Soltústik Qazaqstan oblysynyń turǵyndary kóp temeki shegedi: ekinshi toqsanda oblystaǵy árbir úı orta eseppen temeki ónimderine 19,5 myń teńge jumsaǵan. Odan keıin Pavlodar (18 myń teńge) jáne Shyǵys Qazaqstan (17,7 myń teńge) oblystary jaıǵasqan.

Temeki ónimderine eń az aqsha jumsaıtyndar – shymkenttikter. Olar aıyna shylymǵa 1,7 myń teńge jumsaıdy.

Bıylǵy qazan aıynyń qorytyndysy boıynsha, fıltrli sıgaretter bir jylda 16,4% qymbattaǵan. Baǵa Shyǵys Qazaqstan (21,6%) jáne Aqmola (20,5%) oblystary men Almaty qalasynda (19,3%) qatty ósken. Al baǵanyń ósimi tómen aımaq Almaty oblysy (11%).