Foto: Ashyq derekkóz
Zańnamaǵa memlekettik tildi bilmeıtinderge el azamattyǵyn bermeýdi kózdeıtin túzetý ázirlendi, dep habarlady Ulysmedia.kz. Bul týraly QR Premer-Mınıstri Álıhan Smaıylovtyń Májilis depýtattarynyń saýalyna bergen jaýabynda aıtylǵan.
"Qazirgi ýaqytta "Qazaqstan Respýblıkasynyń azamattyǵy týraly" Zańǵa memlekettik tildi, tarıh pen ulttyq zańnamanyń negizderin bilmeýdi azamattyqqa qabyldaýdan jáne qalpyna keltirýden bas tartý úshin qosymsha negiz retinde kózdeıtin, sondaı-aq qos azamattyǵy faktileriniń aldyn alýǵa baǵyttalǵan túzetýler ázirlendi", - delingen Úkimet basshysynyń jaýabynda.
Premer-mınıstrdiń aıtýynsha, atalǵan zańnamalyq túzetýler Parlament depýtattary bastama jasaǵan «Qazaqstan Respýblıkasynyń keıbir zańnamalyq aktilerine halyqtyń kóshi-qony salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly» zań jobasy boıynsha Parlament depýtattarynyń túzetýlerine, Úkimet qorytyndysynyń jobasyna engizilgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir