Toqaevtyń baǵdarlamasyndaǵy basymdyqtar – beıbitshilik pen turaqtylyq

Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri zııaly qaýymmen, etnomádenı birlestikterdiń ókilderimen, pedagogtarmen, stýdenttermen jáne Jambyl oblysynyń kópbalaly analarymen birqatar kezdesý ótkizdi.

Máselen, etnomádenı birlestikterdiń ókilderimen bolǵan kezdesýde Respýblıkalyq qoǵamdyq shtabtyń basshysy Erlan Qoshanov kandıdat Qasym-Jomart Toqaevtyń Ádiletti Qazaqstandy qurý saıasatynyń negizi etnosaralyq birlik pen konfessııaaralyq kelisim ekenin atap ótti.

«Búginde kez kelgen qoǵamnyń damýynyń basty sharty kelisim ekenin kórip otyrmyz. Adamdar bir-birin tyńdaýdan, túsinýden qalatyn bolsa, bul kúrdeli máselelerdiń bastaýyna aınalady. Munyń nege ákelip soǵatynyn ár túrli elderdegi jaǵdaılardan kórip otyrmyz. Qasym-Jomart Toqaev ózi ustanǵan saıasattyń basty basymdyǵy ultaralyq kelisim, beıbitshilik pen turaqtylyq ekenin birneshe ret málimdedi. Etnıkalyq tegine qaramastan, elimizdiń árbir azamatyna Konstıtýsııamen teń múmkindikke kepildik beriledi. Bul – bolashaqta da buljymaıtyn qaǵıda», – dedi Erlan Qoshanov.

Búginde Qazaqstanda 130 etnos turady. Jambyl oblysynda 75 etnomádenı birlestik jumys isteıdi. «Birligimiz – áralýandyqta» – kandıdattyń Táýelsizdikti nyǵaıtýdaǵy negizgi qaǵıdasy osy.

Budan soń, RQSh músheleri óńirdegi joǵary oqý oryndarynyń oqytýshy-professorlyq quramymen jáne stýdentter qaýymymen kandıdattyń saılaýaldy baǵdarlamasynyń bilim jáne ǵylym salasyndaǵy basymdyqtaryn talqylady. M.H. Dýlatı atyndaǵy Taraz óńirlik ýnıversıtetinde ótken osy kezdesýge 500-ge jýyq adam qatysty.

Qasym-Jomart Toqaev pedagogtardy artyq mindetterden bosatý arqyly olardyń áleýmettik mártebesin arttyrýdy jalǵastyrady. Ǵylym eldiń básekege qabilettiligin kúsheıtetin jańa óndiris tehnologııalaryna baǵyttalady. Jetekshi joǵary oqý oryndary men iri kásiporyndardyń janynan mamandandyrylǵan ınjınırıngtik ortalyqtar qurylady. Sondaı-aq, ǵylymı jáne ǵylymı-tehnıkalyq qyzmet nátıjelerin kommersııalaý, atap aıtqanda, granttar bólý úshin jaǵdaı jasalady. Buǵan qosa, kandıdattyń saılaýaldy baǵdarlamasyna sáıkes, shákirtaqy mólsherin ulǵaıtý jáne stýdenttik jataqhanalardaǵy oryn tapshylyǵy máselesin sheshý josparlanýda.

Ardagerlermen jáne zııaly qaýym ókilderimen kezdesýde RQSh músheleri saılaýaldy baǵdarlamada kórinis tapqan mádenıet pen ónerdi qoldaý sharalaryna basa nazar aýdardy.

Osy kúni óńirdiń kópbalaly analarymen kezdesý ótip, onyń barysynda kandıdattyń áleýmettik saladaǵy saıasatynyń negizgi basymdyqtary talqylandy.

Daıyndaǵan: Respýblıkalyq qoǵamdyq shtab

Astana qalasy, Qonaev 12/1.

Tapsyrys berýshi: M.J. Ospanov.

Qazaqstan Respýblıkasy Prezıdenttigine úmitker Q.K.Toqaevtyń saılaý qorynan tólendi.