04 Qarasha, 2022 NEWS
Foto: Vıdeodan skrınshot
Belgili kásipker, «Senimen bolashaq» respýblıkalyq qoǵamdyq birlestiginiń negizin qalaýshy Nurken Asanov qazirgi qoǵamdaǵy ata-ana men bala arasyndaǵy eń ózekti máselelerdi kóterdi. Bul týraly ol «Rakýrs» baǵdarlamasynda aıtyp, barsha qazaqstandyq ata-anaǵa úndeý joldady.
«Senimen bolashaq» respýblıkalyq ata-analar birlestiginiń mıssııasy sanaly ata-ananyń qushaǵynda sapaly urpaq tárbıeleý. Qazaqstandaǵy ár ata-ananyń janaıqaıyn estip, kóppen birlese sheshý. Balany negizinen aldymen ata-ana, sosyn dos-qurbysy, ustazy, odan keıin qoǵam tárbıeleıdi. Al búginde bul tizbek kerisinshe. Aldymen qoǵam tárbıelep jatyr. Sosyn bar jaýapkershilik pen mindetti ustazdyń moınyna asyp qoıǵanbyz. Bireý kináli bolsa ustaz kináli deımiz. Al kináni ózimizden esh izdemeımiz. Solaı balaǵa ata-ananyń tárbıesi eń sońǵy orynda, ne múldem joq. Búginde balany emes, sondaı ata-analardyń ózderin tárbıeleý kerek» dedi ol.
Conymen qatar Nurken Asanov búgingi kúnniń basty mindeti bala tárbıesimen aınalysý ǵana emes, qoǵamnyń oı-sanasyn ózgertip, bir kúndik emes myńjyldyq bolashaqtyń qamyn oılaý kerektigi týraly aıtyp ótti.
«Meniki oı aıtý emes, oıatý! Árbir ata-ananyń sanasyn oıatý. Sanaly ata-ana bolýǵa úndeý. Sanaly degenimiz – minsiz bolý degen sóz emes. Min bárinde bolady. Sanaly ata-ana bolý degen – jaýapkershilikti seziný. Uldy salıqaly urpaq órbitýge, qyzdy órisińdi keńeıtip sanaly urpaqty tárbıeleýge úndeı bilýimiz kerek. Zaman ozyp, muhıttardyń túbin sharlap, ǵaryshqa sapar sheksek te, ulaǵatty urpaq ósirý bar dáýirdiń basty mindeti ekenin umytpaıyq» dedi belgili kásipker.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir