02 Qarasha, 2022 NEWS
Foto: REUTERS
112 nomerine qońyraý shalǵandar merekelik sharalar ótken Ithevona kóshesinde adamdar ústi-ústinen qaptap jatqany qaýipti bolýy múmkin ekenin aıtqan.
"Tar kóshemen júrý qaýipti bolyp bara jatyr. Tómenge túsý qıyn. Biraq adamdar sonda da joǵary kóterilip jatyr. Olar taptalyp qalady ǵoı. О́zim zorǵa shyqtym. Ol jaqta adam tym kóp. Osyny baqylaýǵa alǵan durys shyǵar" degen qońyraý shalýshylardyń biri.
Polısııa "adam qozǵalysy shektelip, adamdardyń aıaǵy alyp, taptalý qaýpi bar dep tursyz ba sonda" dep naqtylaǵan. Qońyraý shalǵan adam "ıá, jaǵdaı, alańdatarlyq" dep jaýap bergen.
Budan keıingi úsh jarym saǵatta polısııaǵa osyǵan uqsas ondaǵan qońyraý túsken.
Alaıda polısııa jaǵdaıǵa nemquraıly qarap, tıisti sharalar qoldanbaı, jaǵdaıdyń aldyn ala almaǵan. Buny Ońtústik Koreıa polısııasy basshysynyń ózi moıyndady.
Komıssar Iýn Hı Kyn bolǵan jaǵdaı úshin jaýapkershilikti sezinetinin jetkizip, tolyq tergeý júrgiziletinine ýáde berdi.
El preıdenti Iýn Sýk Iol jaǵdaı adam nópirin basqara bilýdiń mańyzyn kórsetkenin, bul turǵyda zertteý jetkiliksiz ekenin aıtyp, bolashaqta adam nópirin drondarmen, ózge de sıfrlyq tásildermen baqylaý kerektigine nazar aýdardy.
Kýágerlerdiń aıtýynsha, jan jaǵy qabyrǵa tar kóshege adam birtindep jınalyp, bir mezette qos qabyrǵa ortasynda adamdar keptelip qalǵan. Joǵary jaqta turǵandardyń aıaǵy shydamaı qulaǵan sátterde arttaǵy ekpinmen olardy taptap ótken. Saldarynan 156 adam mert bolyp, 152 adam túrli jaraqat alǵan. Qaza tapqandardyń kóbi 20 jasqa deıin jastar. olardyń arasynda bir qazaqstandyq stýdent bar.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir