Dostyq úıinde «Manastyń uly Sámeteı» fılmi kórsetildi

15 qazan kúni Almaty qalasy respýblıkalyq Dostyq úıinde «Mýras» Qyrǵyz etnomádenı ortalyǵynyń uıymdastyrýymen álemge áıgili «Manas» eposynyń trılogııasy negizinde túsirilgen «Manastyń uly Sámeteı» atty qyrǵyz kórkem tarıhı fılminiń jabyq kórsetilimi ótti.

Is-sharaǵa Qazaqstannyń halyq ártisi Asanáli Áshimov, Qyrǵyzstannyń Almatydaǵy Bas konsýly Nazaralı Arıpov, Qazaqstannyń eńbek sińirgen qaıratkeri, aqyn, dramatýrg, memleket jáne qoǵam qaıratkeri Nurlan Orazalın, «Mýras» Qyrǵyz etnomádenı ortalyǵynyń músheleri men jastary qatysty.

Fılmniń prodıýseri jáne jazýshysy О́mirzaq Tólóbekov kartınany kórseter aldynda kórermenderge kınokartınany jasaý ıdeıasy men prosesi týraly qysqasha aıtyp berdi.

Qazirgi ýaqytta «Manastyń uly Sámeteı» atty fılm orys, túrik, aǵylshyn, qytaı tilderine aýdarylǵyn jáne qazaq tiline aýdarý aldaǵy ýaqytta josparalanǵan.

Fılmdi kórermender jyly qabyldady. Kórsetilim aıaqtalǵannan keıin pikir almasý ótti. Belgili qoǵam qaıratkerleri Qazaqstanda jańa Qyrǵyz kınosyn kórýge múmkindik bergeni úshin elshilikke alǵystaryn bildirdi.