BAQ jáne etnomádenı birlestik ókilderi memlekettik nagradalarmen marapattaldy

Qazaqstan Respýblıkasy Aqparat jáne qoǵamdyq damý mınıstri Darhan Qydyráli memlekettik nagradalar men medaldardy tabystady.

Búgin, 23 qazan kúni Almaty qalasy respýblıkalyq Dostyq úıinde Qazaqstan Respýblıkasy Aqparat jáne qoǵamdyq damý mınıstri Darhan Qydyráli BAQ jáne etnomádenı birlestik ókilderiniń birqatar qyzmetkerlerine memlekettik nagradalar men medaldardy tabystady.

Barlyǵy Respýblıka kúni ulttyq mereke qarsańynda eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin marapattalyp otyr.

Is-sharanyń saltanatty bóliminde Qazaqstan Respýblıkasynyń Ánurany oryndaldy.

Mınıstr Darhan Qydyráli áriptesterin quttyqtap, bul kúnniń mańyzdylyǵyna toqtaldy.

– Marapattalǵan áriptesterdi taǵy da shyn júrekten quttyqtaımyn. Oǵan sizderdiń zor úlesterińiz sińdi. Laıyqty marapat ıelerin tapty. Basqa da áriptesterimizdiń bári de marapatqa laıyq, - dedi Darhan Qydyráli.

Atap aıtqanda, «Qurmet» ordenimen «Ana tili» gazetiniń jýrnalıst-sholýshysy Berik Júndibaev, «Eren eńbegi úshin» medalimen «Drýjnye rebıata» gazetiniń jýrnalısi Olga Rybkına, «Qala men dala» gazetiniń jáne Dalanews.kz saıtynyń dızaıneri Marat Tursynov, «Jas qazaq» gazetiniń fototilshisi Ǵalııa Qalıeva, «Shapaǵat» medalimen«Astana» telearnasynyń arnaıy tilshisi Anar Nurtazına, «KTK» telearnasynyń «Daý-damaısyz» baǵdarlamasynyń avtory ári júrgizýshisi Jazıra Begaly, «Qurmet» gramotasymen №1 talǵar aýdandyq jeke lıseı-ınternatynyń dırektory, QHA múshesi, «Ahyska» respýblıkalyq túrik etnomádenı birlestiginiń múshesi Dıldar Badalovamarapattaldy.

Is-shara sońynda qatysýshylar jyly lebizderin bildirip, alǵys aıtty.