• USD 468.56

  • EUR 497.56

  • RUB 7.3

  • CNY 67.18

28 Naýryz, 22:18:55
Almaty
+35°

23-24 qazanda Almaty qalasyndaǵy «Alash» stadıonynda Qazaqstan uıǵyrlarynyń respýblıkalyq etnomádenı ortalyǵy uıymdastyrýymen Respýblıka kúnine arnalǵan «DOSTYQ» kýbogyna áýesqoılar arasynda fýtbol týrnıri ótti, dep habarlady Qazaqstan halqy Assambleıasynyń baspasóz qyzmeti.

Qazaqstan halqy Assambleıasynyń qoldaýymen ótken týrnırge Almaty qalasynan, sondaı-aq Almaty jáne Jetisý oblystarynan fýtbol komandalary qatysty. Jeńimpazdardy Qazaqstan uıǵyrlary respýblıkalyq etnomádenı ortalyǵy Joǵary Keńesiniń tóraǵasy, QHA Keńesiniń múshesi, REKSÝK janyndaǵy «Jıgıt Beshı» keńesiniń tóraǵasy Dolkýntaı Abdýlhalıl, «Uıǵyr Avazı» qoǵamdyq-saıası gazetiniń bas redaktory, REKSÝK tóraǵasynyń orynbasary, QHA múshesi Ershat Asmetov marapattap, qatysýshylardy Respýblıka kúnimen quttyqtady.

Týrnır qorytyndysy boıynsha 1 oryndy Júzdibastaý kentinen «Gremıo» komandasy, 2 oryndy Gúldala kentinen «Gúldala» komandasy, 3 oryndy Panfılov aýdanynan «Jarkent» komandasy ıelendi.

Jeke kategorııalar boıynsha úmitkerler de anyqtaldy. Máselen, «Gremıo» FK oıynshysy Djýbangalıev Álibek úzdik qaqpashy atandy. Úzdik qorǵaýshy – Evseev Mıhaıl («Jarkent» FK), úzdik shabýylshy -Qapjaparov Dııas («Gúldala» FK), úzdik bombardır – Hoshnazarov Iаlkýnjan («Gremıo» FK) boldy.

Týrnırdiń ótýine «Metall Prom Group» JShS qoldaý kórsetti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir