• USD 468.56

  • EUR 497.56

  • RUB 7.3

  • CNY 67.18

29 Naýryz, 18:51:57
Almaty
+35°

Atyraý qalalyq № 2 sotynda  Atyraý oblysy ákiminiń burynǵy orynbasary Baqytgúl Hamenovanyń isi boıynsha taraptardyń tatýlasý prosedýralary bastaldy. Prokýror Laýra Asanova Hamenovany dúnıe-múlkin tárkileı otyryp, 7 jylǵa bas bostandyǵynan, memlekettik qyzmette jumys isteý quqyǵynan ómir boıyna aıyrý jazasyn surady, dep habarlady AtyrauPress.kz saıty.

Prokýror Hamenovanyń kámelet jasyna tolmaǵan balasy baryn eskerip, jazany 3 jyldan keıin óteýdi mindetteýdi usyndy. Sondaı-aq Hamenovany "Qurmet" ordeninen aıyrýdy, qamaýda bolǵan bir kúnin bir jarym kúnmen esepteı otyryp, jaza óteý orny retinde qaýipsizdigi ortasha mekemeni taǵaıyndaýdy surady. 

Aıyptalýshylardyń biri, burynǵy mádenıet basqarmasynyń basshysy Aqylbek Rysqalıevti de 7 jylǵa sottaýdy surady.

Atyraý oblysy ákiminiń eks-orynbasary Baqytgúl Hamenovaǵa Abaıǵa eskertkish qoıý úshin memlekettik tapsyrys kelisim-shartyn jasasqanda 4,5 mln teńge kóleminde para aldy dep aıyptalyp otyr. Alaıda 13 qazanda Aqylbek Rysqalıev kútpegen málimdeme jasap, bastapqy "para berýshi men para alýshy arasynda deldal boldym" degen jaýabyn ózgertip, Hamenova 4,5 mln teńgege eshqandaı qatysy joq ekenin aıtqan. Ol bastapqyda bergen kýáligi Antıkor qyzmetkerleriniń yqpalymen bolǵanyn jetkizdi. 

Al Antıkor qyzmetkerleri  Rysqalıevtiń sózin joqqa shyǵaryp, oǵan eshqandaı qysym jasalmaly deıdi.

"Qamshy" silteıdi
Ilmek sózder: Hamenova isi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir