Almatyda Respýblıka kúninde qandaı is-sharalar ótedi

Almaty qalalyq Qoǵamdyq damý basqarmasynyń basshysy Aıdar Esenbekov Respýblıka kúnine oraı  qandaı sharalar ótetini týraly aıtyp berdi, dep habarlaıdy Qamshy.kz aqparat agenttigi О́KQ-ǵa silteme jasap.

Aıdar Esenbekov sózin Memleket basshysynyń tapsyrmasymen bıylǵy jyly «Qazaqstan Respýblıkasyndaǵy merekeler týraly» zańǵa ózgerister men tolyqtyrýlar engizilgenin eske salýdan bastady. Zańǵa sáıkes 25 qazan – Respýblıka kúni ulttyq mereke bolyp belgilendi.

Bıyl bul mereke Almatyda keńinen atalyp ótilmek, is-sharalar jospary ázirlenip, bekitildi. Bul – ártúrli saltanatty jıyndar, konsertter, memlekettik nagradalar tabystalady, sporttyq jarystar, ǵylymı konferensııalar, dóńgelek ústelder, shyǵarmashylyq baıqaýlar, taqyryptyq kórmeler, ekologııalyq is-sharalar, jármeńkeler jáne t.b.

"Is-sharalardyń bir bóligi ótti, mysaly, 7 qazanda Qazaqstan halqy Assambleıasy Respýblıkalyq Analar keńesiniń keńeıtilgen otyrysy ótti. Al 15 qazan kúni Jeltoqsan saıabaǵynda jeltoqsandyqtardyń, volonterlerdiń jáne «Assambleıa jastary» Almaty qalasy ókildigi músheleriniń qatysýymen senbilik ótti. 1000-nan astam aǵash otyrǵyzylyp, saıabaqtyń irgeles aýmaǵyna sanıtarlyq tazalaý jumystary júrgizildi", – dedi A.Esenbekov.

Shara qonaqtaryna qyzyqty konserttik baǵdarlama usynylyp, ulttyq sport túrlerinen jarystar ótkizildi. Taǵamdar da ázirlendi.