23 sheshen sarbazynyń qaza tapqanyn habarlaǵan Qadyrov olardyń otbasyn Mekkege qajylyqqa aparýǵa ýáde berdi

Sheshenstan respýblıkasynyń basshysy Ramzan Qadyrov Ýkraınanyń Herson oblysyna jasaǵan áýe shabýyly kezinde 23 sheshen azamaty qaza tapqanyn habarlady. Qaraly habardy habarlaǵan Qadyrov qaza tapqan sarbazdardyń otbasyn Mekkege qajylyqqa aparatynyn aıtyp, ýáde berdi, dep jazady Nastoıashee vremıa. 

Herson oblysyna áýe shabýyly osy aptanyń alǵashqy kúnderi jasalǵan. Qadyrovtyń aıtýynsha, sheshenderden jasaqtalǵan áskerı toptyń 58 sarbaz jaralanǵan, onyń ishinde tórteýi aýyr jaraqattanǵan. Sheshenstannyń basshysy soǵys kezinde 78 ýkraın sarbazy ólgenin aıtty. 

Ramzan Qadyrovtyń aıtýynsha, Sheshenstan sarbazdary jıhadqa qatysyp jatyr, qasıetti soǵysqa qatysý kez kelgen musylmannyń armany.

Ol soǵysqa qaza tapqan árbir sheshen sarbazynyń otbasyna óz atynan 1 mln rýbl berýge ýáde etti.

"Budan bólek, qaza tapqan sarbazdardyń otbasyn qasıetti Mekkege qajylyqqa aparýdy qamtamasyz etetin bolamyz. Halyqqa osyndaı batyr ul syılaǵan analardyń aldynda qaryzdarmyz", dep jazdy Qadyrov. 

25 qazanda ýkraınalyq telegram kanaldar Ýkraınada sheshenderden jasaqtalǵan birneshe áskerı top qaza tapqany jaıly jarysa jazǵan. Herson oblystyq áskerı ákimshiliginiń basshysy Sergeı Hlan Ýkraına qarýly kúshteriniń Herson oblysyndaǵy sheshen polkiniń bazasyna jasaǵan shabýyly nátıjesinde 40-tan astam jaýynger qaza taýyp, 200-ge jýyq jaýynger jaralanǵanyn aıtqan. 

Qadyrov bul aqparatqa qatysty naqty málimdeme jasamady. Tek 25 qazannan 26 qazanǵa qaraǵan túni óziniń telegram kanalyna aýdıohabarlama jarııalap, otandastaryn Ýkraınany jer betinen joıyp jiberýge shaqyrdy.