• USD 465.38

  • EUR 483.58

  • RUB 7.69

  • CNY 64.95

26 Qarasha, 18:55:12
Almaty
-3°

Astana LRT isi boıynsha sot otyrysynda Astana ákiminiń burynǵy orynbasary Qanat Sultanbekovtyń haty oqyldy. Qanat Sultanbekov hatynda Astananyń burynǵy ákimi Imanǵalı Tasmaǵambetovty jemqorlyq jasady dep aıyptaǵan. Bul týraly Sultanbekov QR UQK-niń eks-tóraǵasy Kárim Másimovke ózi málimdegen, dep jazady Orda.kz portaly.

"Tasmaǵambetovtyń qol astynda jumys istep júrgen kezde eks-ákimniń jemqorlyq áreketterine qatysty kóptegen dáleldemelerdi jınadym. Tasmaǵambetov pen onyń sybaılas jemqorlyq áreketterin, basqa da laýazymdy tulǵalardy áshkereledim. Sóıtip, aıǵaqtar men dálelderdi sol kezde UQK tóraǵasy bolyp qyzmet etken Kárim Másimovke usyndym. Bul rette Tasmaǵambetov tergeý ızolıatorynda jatqan kezimde meniń úıime, otbasy múshelerime birneshe ret kelip, barlyq kináni óz moınyma alýǵa májbúrledi. Tipti, Imanǵalı Tasmaǵambetov áıelimdi óziniń jeke ushaǵyna shaqyryp alǵan. Men bergen aıǵaqtardy Másimov Tasmaǵambetovke bergen eken. Tasmaǵambetov maǵan áıelim arqyly tergeý ızolıatorynan tiri shyqqyń kelse, elden ket dep keńes berdi", delingen Qanat Sultanbekovtyń hatyn sot prosesinde sýdıa Vıktorııa Semenova oqyp berdi.

Qanat Sultanbekov (2006 jyldan bastap Imanǵalı Tasmaǵambetovtiń qolastynda aldymen Almatyda, keıin elordada jumys istegen – Red.) 2017 jyly QR Qylmystyq kodeksiniń 366-baby (para alý) boıynsha sottalǵan bolatyn. Apellıasııalyq sot oǵan 2,139 mıllıard teńge aıyppul salǵan.

 

"Másimovke aıtqan barlyq qylmystardy óz moınyma alýyma týra keldi. Men óz otbasym úshin qoryqtym. Másimov pen Tasmaǵambetovtyń qorqytýlary men bopsalaýlarynan keıin 2017 jyly barlyq kináni óz moınyma alýǵa májbúr boldym. Aıyppuldy tóleýge de kelisim berdim. Ony meniń ákem tóledi. Ákem aıyppuldy tóleý úshin adal jolmen tapqan úıleri men kommersııalyq ǵımarattaryn satty", delingen hatta. 

Sultanbekovtyń málimdeýinshe, Tasmaǵambetov AQSh-tyń sanksııalar tizimine zańdy túrde engen reseılik joǵary laýazymdy jemqor sheneýniktermen tyǵyz baılanysta.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir