• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 03:07:36
Almaty
-6°

Belgili aqyn, jyrshy Qaırat Qulmuhammed halyqaralyq TURKSOY uıymynyń Mabtumkulu FIRAKI atyndaǵy syılyqtyń ıesi atandy. 

Marapat aqynǵa resmı túrde saltanatty jaǵdaıda tabystaldy.

Foto: Qamshy.kz

Qaırat Qulmuhammed 1966 jyly 21 tamyzda Qytaıdyń Shynjań avtonomııasyna qarasty Jemeneı aýdanynda dúnıege kelgen. Týǵan jerinde orta bilim alǵan ol 1990 jyly Shynjań konservatorııasynda Mádenıet salasyn basqarý mamandyǵyn ıgerip, 1992 jyly Shynjań ýnıversıtetiniń fılologııa fakýltetin támámdaǵan.

1985 jyly 19 jasynda aıtys sahnasyna shyqqan ol 1999 jyly Qytaı qazaqtarynyń bas aıtys aqyny ataǵyna ıe boldy. Jazba aqyndyq pen ejelgi jyraýlyq dástúrdi ustanyp, sol eldegi eki mıllıon qandastarymyz ortasynda ǵana emes, sonymen birge Qazaqstan halqyna da óz esimin keńinen tanytyp úlgerdi.

1998 jyldyń sáýir aıynda "Qytaıdyń osy zamanǵy áıgili kórkem ónershisi" degen memlekettik syılyǵyn aldy. 1999 jyly jeltoqsanda Amerıka Qurama Shtattarynda
belgilengen "Álemniń áıgili adamy" degen marapatty ataqqa ıe bolǵan. 2003 jyldyń qańtar aıynda О́zbekstannyń Tashkent qalasynda ótken Halyqaralyq aqyndar aıtysynda bas báıgeni jeńip alǵan. 2003 jyldyń mamyr aıynda Reseıdiń Omby qalasyna óner saparymen baryp, Reseı dýmasynyń depýtaty Oleg Smolınniń qolynan iHalyqtar dostyǵynyń úzdik jyrshysy" degen alǵys hatpen marapattaldy. 2003 jylǵy shilde aıynda Mońǵolııanyń Baıan-О́lgıı aımaǵynda ótken aqyndar aıtysynda bas júldeger boldy.

2005 jyldyń shilde, tamyz aılarynda Túrkııaǵa arnaıy shaqyrýmen baryp, ol elden eki marapattaý dıplomymen oraldy. 2007 jylǵy mamyr aıynda Germanııanyń Mıýnhen qalasynda ótken Eýropa qazaqtarynyń Kishi quryltaıynda oryndaǵan tamasha tolǵaýy úshin ol elden de alǵys hat alyp qaıtty.

Qaırat Qulmuhammedulynyń 1991 jylǵy Qazaqstanǵa alǵash saparlaı kelgende oryndaǵan "Sálemdeme" tolǵaýy onyń aqyndyq ataǵyn tipti de aspandata tústi. 1998 jyly Semeı qalasynda ótken Shákárim Qudaıberdiulynyń 140 jyldyq mereıtoıyna arnalǵan aqyndar aıtysynda bas júldeni enshiledi. 

2002 jyly Túrkistanda, 2005 jáne 2011 jyldary Astanada ótken Dúnıejúzi Qazaqtarynyń II, III, IV Quryltaılarynda jazba aqyndardyń jyr músháırasynda aıryqsha kózge túsip júldege ıe bolsa, 2003 jyly sáýir aıynda Astanada bes memlekettiń aqyndary qatysqan Halyqaralyq aıtysta bıik talantymen jurtty tań qaldyrdy.

2001 jyly tamyz aıynda Qytaıdan Qazaqstanǵa kóship kelip, Almaty qalasyna qonystanǵan ol elimizdegi halyqtyq sıpat alǵan barlyq mádenı-áleýmettik sharalarǵa belsene aralasyp keledi.

"Qamshy" silteıdi
Ilmek sózder: Qaırat Qulmuhammed

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir