• USD 468.56

  • EUR 497.56

  • RUB 7.3

  • CNY 67.18

09 Aqpan, 06:54:05
Almaty
-1°

Astanada Qasym-Jomart Toqaevty qoldaý jónindegi Halyqtyq koalısııasy uıymdastyrý komıtetiniń otyrysy ótti. Jıyn barysynda aldaǵy saılaý naýqanyna daıyndyqty uıymdastyrý máseleleri qaraldy.

Búgin Qasym-Jomart Toqaevty qoldaý jónindegi Halyqtyq koalısııaǵa taǵy 15 qoǵamdyq uıym qosyldy. Olardyń qatarynda QR Kásipodaqtar federasııasy, Qazaqstan Jazýshylar odaǵy, «SERPIN» Ulttyq bilim jáne ınnovasııalar palatasy, «Bolashaq» qaýymdastyǵy, Qazaqstannyń ekologııalyq uıymdarynyń qaýymdastyǵy, Qazaqstannyń múgedekter uıymdarynyń odaǵy, «Adam quqyqtary hartııasy» qoǵamdyq qory bar.

Sondaı-aq Halyqtyq koalısııaǵa Sıfrlyq transformasııa qaýymdastyǵy, Respýblıkalyq áıelderdiń keńesi, Qazaqstan Fýtbol federasııasy, «Ákeler Odaǵy», «Assambleıa jastary», «Halyqaralyq quqyq qorǵaý ortalyǵy», Taý-ken óndirý jáne taý-ken metallýrgııa kásiporyndarynyń respýblıkalyq qaýymdastyǵy, Qazaqstannyń «OSHAQ» Jergilikti qoǵamdastyqtarynyń Halyq Kongresi de qosyldy.

Foto: Halyqtyq koalısııanyń baspasóz qyzmeti

«SERPIN» Ulttyq bilim jáne ınnovasııalar palatasynyń tóraǵasy Murat Ábenovtyń aıtýynsha, qoǵamdyq kúshter koalısııaǵa birikkendikten de bul saılaý naýqany jańa formatta ótedi. 

«Bolashaq» qaýymdastyǵynyń músheleri de Halyqtyq koalısııaǵa kiretinderin málimdedi. «Biz ishki jáne syrtqy saıasatymyzdyń turaqtylyǵy men sabaqtastyǵyn kórsetýimiz kerek», - dedi Qaýymdastyqtyń atqarýshy dırektory Álisher Dúngenın. 

«Men 30 jyldan astam ýaqyttan beri adam quqyqtaryn qorǵaýmen aınalysyp kelemin. Biz kópshilikke adam quqyqtaryn qorǵaý boıynsha júrgizilip jatqan jumystyń mańyzdylyǵyn birlesip túsindirý úshin koalısııaǵa qosylamyz», - dedi «Adam quqyqtary hartııasy» qoǵamdyq qorynyń basshysy Jemis Turmaǵambetova.

Foto: Halyqtyq koalısııanyń baspasóz qyzmeti

Sıfrlyq transformasııa qaýymdastyǵynyń ókili Sergeı Ostapıýktyń pikirinshe, búginde Qazaqstanda IT naryq qarqyndy damyp keledi. «Osyny eskere otyryp, bizdiń Qaýymdastyq búgin Halyqtyq koalısııaǵa kiredi», - dedi ol.

Jıynda óńirlerde úgit-nasıhat is-sharalaryn ótkizý, kandıdattyń baıqaýshylary men senimdi tulǵalaryn oqytý, saılaý naýqanynyń quqyqtyq aspektileri jáne t.b. máseleler talqylandy.

Otyrys barysynda qatysýshylar úgit-nasıhat naýqanyn júrgizý úshin kandıdattyń saılaý qoryna qarajat jınaýǵa qatysty málimdeme jasady.

Halyqtyq koalısııa músheleri saılaý qoryna qarjylaı qoldaýdy kandıdattyń jaqtaýshylary tek erikti túrde jasaıtynyn alǵa tartty.

Osyǵan baılanysty májbúrlep aqsha aýdartý týraly taraǵan aqparat arandatý bolyp tabylady.

Foto: Halyqtyq koalısııanyń baspasóz qyzmeti

Halyqtyq koalısııa mundaı áreketterdi qatań aıyptaıdy jáne tıisti ótinishpen quqyq qorǵaý organdaryna júginedi.

Quqyqqa qaıshy qandaı da bir áreketter anyqtalǵan jaǵdaıda,  Halyqtyq koalısııa shtabyna kelesi baılanys nómeri arqyly habarlasýdy suraımyz: + 7 7172 707 616.

Halyqtyq koalısııanyń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir