Foto: Orda.kz
Jusan Bank qarjy uıymyn eks-prezıdent Nursultan Nazarbaevpen baılanystyrǵan BAQ-taǵy maqalalarǵa baılanysty málimdeme jasady. BAQ betterinde Nazarbaev Londonda ornalasqan Jusan Technologies holdıngi men Jusan bank-ti baqylaýynda ustaıtyny týraly aqparat shyqqan.
"Jaqynda halyqaralyq baspasózde burynǵy prezıdent Nursultan Nazarbaevty Jusan Bank-pen jáne onyń Londonda ornalasqan Jusan Technology Limited, UK (JTL) bas kompanııasymen baılanystyratyn birqatar maqalalar jarııalanǵan edi. Maqalalarda Nazarbaev myrza Bankti de, JTL-di de óz baqylaýynda ustaıdy delingen. Osy maqalalardyń keıbiri Qazaqstan basylymdarynda jáne áleýmettik jelilerinde jarııalanyp, taraldy. Bank atalmysh maqalalarda faktiler qatty burmalanǵanyn atap ótedi. Osy málimdeme arqyly Bank Nazarbaev myrzanyń da, onyń otbasy músheleriniń de Bankke, onyń enshiles kásiporyndaryna jáne bas kompanııa – JTL-ge qatysy joq ekendigin habarlaıdy. Olar Banktiń aksıonerleriniń quramyna da kirmeıdi jáne qandaı da bir nysanda Bankke nemese JTL-ge baqylaý júzege asyrmaıdy" delingen bank málimdemesinde.
Málimdemede sondaı-aq bank óz bedelin saqtaý úshin, kez kelgen negizsiz aıyptaýlardan, qajet bolsa, zań amaldaryna júgine otyryp qorǵanatyny aıtylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir