Sýretti túsirgen S. Maılybaev
Májiliste bıylǵy parlamenttik sessııadaǵy alǵashqy úkimet saǵaty ótti. Otyrys aýyldyq jerlerdegi densaýlyq saqtaý salasynyń qazirgi jaǵdaıy men damý perspektıvalaryna arnaldy.
Densaýlyq saqtaý mınıstri Ajar Ǵınııat aýyl turǵyndaryn medısınalyq qamtamasyz etýde búginde memleket tarapynan atqarylyp jatqan sharalarǵa toqtalyp, memleket basshysynyń Joldaýynda aıtylǵan reformalardy júzege asyrý barysy týraly depýtattardyń saýaldaryna jaýap berdi.
Jıyndy ashqan parlament májilisi tóraǵasynyń orynbasary Balaım Kesebaeva qazirgi tańda qazaqstandyqtardyń shamamen 41 paıyzy aýyldyq jerlerde turatynyn, onyń 3,6 mıllıony nemese 46 paıyzy balalar men qarttar ekenin atap ótti. Al olardy sapaly medısınamen qamtamasyz etý erekshe nazar aýdarýdy jáne jańa jumys ádisterin qoldanýdy talap etedi.
«О́kinishke oraı birqatar sebepterge baılanysty aýyldyq jerlerde densaýlyq saqtaý máselelerin jedel sheshýdi qajet etetin kóptegen máseleler qordalanyp qalǵan. Medısınalyq kómektiń qol jetimdiligin artyrý aýyldyq jerlerde mańyzdy máselege aınalyp otyr. Bunyń barlyǵy eskirgen materıaldyq-tehnıkalyq bazaǵa, dárigerler men kishi medısınalyq personaldyń tapshylyǵyna, medısınalyq tehnıkanyń jetkiliksizdigine, dári-dármekterge qol jetimdiliktiń bolmaýyna jáne basqa da jaıttarǵa baılanysty bolyp otyr», – dedi B.Kesebaeva.
Májilis tóraǵasynyń orynbasary memleket basshysynyń «Ádiletti memleket. Birtutas ult. Berekeli qoǵam» atty Joldaýynda bergen tarpsyrmasyn oryndaý maqsatymen kelesi jyldan bastap «Aýyldyq jerdegi densaýlyq saqtaýdy jańǵyrtý» ulttyq jobasy iske asyrylatynyn atap ótti.
«Bul jobanyń basty maqsaty – medısınalyq ınfraqurylymdy keshendi túrde jaqsartý. Ol úshin aldaǵy eki jylda 655 alǵashqy medısınalyq-sanıtarııalyq kómek kórsetý nysandary, 32 aýdanaralyq kópsalaly aýrýhanalar ashylatyn bolady. Oǵan 217 mlrd. teńgeden astam qarjy bólinedi», – dedi B.Kesebaeva.
О́z sózinde Densaýlyq saqtaý mınıstri Ajar Ǵınııat búginde aýyldarda 5 myńnan astam uıym medısınalyq kómek kórsetetinin aıtty. Onyń ishinde 2 myńnan astam medısınalyq pýnkt, 800 feldsherlik-akýsherlik beket, 1 myńnan astam dárigerlik ambýlatorııa, 200 emhana men 200 aýrýhana bar. Aýrýlardy ýaqytyly anyqtaý úshin jyl saıyn 3,1 mıllıonnan astam balany qamtıtyn profılaktıkalyq tekserý, 1,6 mıllıonnan astam erte shaqtaǵy balalarǵa skrınıngtik zertteý júrgiziledi.
Bul rette mınıstr aýyldyq jerlerdegi densaýlyq saqtaý salasynda birqatar másele bar ekenin joqqa shyǵarǵan joq. Olardyń kópshiligin búgin depýtattar da kóterdi.
«Memleket basshysynyń tapsyrmasy boıynsha aýyldaǵy nysandardy túgendeý júrgizildi. Nátıjesinde 200-den astam eldi mekende medısınalyq mekeme joq. 400-ge jýyq aýylda medısınalyq nysan jalǵa alynǵan, apattyq, beıimdelgen ǵımarattarda ornalasqan. Aýylda alǵashqy medısınalyq kómek ınfraqurylymynyń 50%-dan astamy tozǵan», – dedi A.Ǵınııat.
Májilis depýtaty Jámılá Nurmanbetova óz baıandamasynda aýyldardaǵy densaýlyq saqtaý salasyn odan ári damytýdyń ózekti máseleleriniń biri – Memleket basshysynyń tapsyrmasy boıynsha ázirlengen «Aýyldyq densaýlyq saqtaýdy jańǵyrtý» ulttyq jobasyn sapaly júzege asyrý ekenine nazar aýdardy.
«Salynyp jatqan nysandardy sala mamandarymen, sonyń ishinde ýltra dybystyq zertteý, MRT, KT apparattarynda jumys isteı alatyn medısınalyq mamandarmen qamtamasyz etý boıynsha kúntizbelik jospar ázirleý qajet dep esepteımiz. Ol úshin medısına qyzmetkerleriniń tapshylyǵyna zertteý júrgizgen jón», – dedi J.Nurmanbetova.
Jıyn barysynda Májilis depýtattarynyń saýaldaryna quzyrly organ ókilderi de jaýap berdi. Memleket basshysynyń tapsyrmalaryn oryndaý jáne aýyl turǵyndarynyń ózekti máselelerin sheshý boıynsha biraz taqyryp qozǵaldy. Ol – jumyssyz azamattarǵa medısınalyq qoldaý kórsetý, bilikti medısınalyq kadrlardy tartý, jańa aýrýhanalar men feldsherlik pýnktter salý, jedel medısınalyq kómek kórsetý, aýyl aýrýhanalaryn ınternetpen qamtamasyz etý.
О́z kezeginde depýtat Zarına Kamasova mınıstrge jáne Áleýmettik medısınalyq saqtandyrý qorynyń tóraǵasyna saýal joldady.
«О́zderińiz biletindeı, búginde Qazaqstannyń 3,5 mln azamaty mindetti áleýmettik medısınalyq saqtandyrý júıesimen qamtylmaǵan. Olardyń 46%-y aýyldy jerlerde turady. 1,6 mıllıon saqtandyrylmaǵan aýyl turǵyndaryna medısınalyq qyzmet tek shuǵyl jaǵdaıda ǵana kórsetiledi. Basqa kezde aqyly túrde bolady. Bul rette 2021 jyldyń qorytyndysy boıynsha aýylda júrek-tamyr júıesi aýrýlarynan bolatyn ólim-jitim 11 paıyzǵa artqan. Sonymen qatar onkologııalyq aýrýlardyń 10,5 paıyzǵa ósýi baıqalady. Osyǵan baılanysty Áleýmettik medısınalyq saqtandyrý qorynyń tóraǵasyna suraq qoıǵym kelip otyr. MÁMS júıesine aýyl turǵyndaryn qalaı tartasyzdar?» – dedi depýtat.
Sondaı-aq Z.Kamasova Densaýlyq saqtaý mınıstrligine barlyq aýyl turǵyny úshin saqtandyrý mártebesin eskermeı, skrınıngter men basqa da mańyzdy medısınalyq qyzmetterdi júrgizýdi usyndy.
«Biz mindetti áleýmettik medısınalyq saqtandyrýǵa tólem aýdarý týraly normany túsindirý boıynsha aqparattyq jumys júrgizip, MÁMS-tiń artyqshylyqtary týraly aıtatyn bolamyz», – dep túsindirdi qor basshysy Aıdyn Ashýev.
«Dáriger retinde men barlyq kásibı tekserýlerdi, skrınıngterdi Tegin medısınalyq kómektiń kepildik berilgen kóleminiń (TMKKK) aıasynda júrgizýdi qoldaımyn. Biraq búgingi kúni TMKKK-da qarajat jetkiliksiz. Bul óte mańyzdy másele. Sondyqtan ony bolashaqta qarastyramyz, múmkin tásilderdi ózgertemiz. Biz skrınıngti on jylǵa jýyq ýaqyt boıy júzege asyryp kelemiz jáne aýylda anyqtalý deńgeıi óte tómen. Ol tek 5-7 paıyzdy quraıdy. Endi biz kásibı medısınalyq tekserý júrgizemiz, aýyl turǵyndarynyń densaýlyq jaǵdaıyn kóremiz. Sodan keıin sharalar qabyldanady», – dep jaýap berdi mınıstr Z.Kamasovanyń usynysyna.
Úkimet saǵatyna beınekonferensııa formatynda Densaýlyq saqtaý komıtetteriniń, medısınalyq uıymdardyń basshylary, óńir ákimderi men densaýlyq saqtaý basqarmalarynyń ókilderi de qatysty.
Parlament ǵımaratynyń aldyndaǵy alańda kólik medısınasy quraldarynyń, sanıtarlyq avtokólikterdiń, jyljymaly dárihana beketteriniń kórmesi ótti. Al májilis zalynda úsh aýdanaralyq aýrýhana – Eńbekshiqazaq, Aıagóz jáne Merki Ortalyq kópsalaly aýrýhanalarynyń úzdik tájirıbeleri tanystyryldy.
«Memleket basshysynyń aýyldaǵy densaýlyq saqtaý júıesin jańǵyrtý jónindegi bastamalaryn sapaly ári ýaqtyly iske asyrýymyz kerek. Densaýlyq saqtaý mınıstrligi, ákimdikter jáne áleýmettik medısınalyq saqtandyrý qorlary alǵa qoıǵan maqsattarǵa qol jetkizý úshin tyǵyz baılanysta bolyp, pármendi ári shuǵyl sharalar qabyldaýy qajet», – dep túıindedi Balaım Kesebaeva.
Aıta keteıik, «Aýyldyq densaýlyq saqtaýdy jańǵyrtý» ulttyq jobasy týraly Memleket basshysynyń 2022 jylǵy 1 qyrkúıektegi Joldaýynda aıtyldy. Qasym-Jomart Toqaev Ulttyq joba sheńberinde eki jyl ishinde 650 aýylda medısınalyq jáne feldsherlik-akýsherlik pýnktter salýdy, olardy tolyq jaraqtandyrýdy, aýdandyq aýrýhanalardy kópsalaly medısınalyq mekemeler deńgeıine deıin jańǵyrtýdy, mamandandyrylǵan medısınalyq kómektiń qoljetimdiligin jáne aýyl turǵyndaryn skrınıngpen qamtýdy ulǵaıtýdy, sondaı-aq medısınalyq uıymdar bazasynda eldi mekenderde dárihana pýnktterin ashýdy, kadr máselelerin sheshýdi jáne aýyldaǵy birqatar medısınalyq uıymdardy damytýdyń basqa da baǵyttaryn jetildirýdi tapsyrdy.
Májilistiń baspasóz qyzmeti
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir