• USD 465.38

  • EUR 483.58

  • RUB 7.69

  • CNY 64.95

27 Qarasha, 18:06:45
Almaty
-9°

"Dıkıı Arman" degen laqap atpen tanymal Arman Jumageldıevtiń uıymdasqan qylmystyq tobyna ulttyq qaýipsizdik qyzmetiniń adamdary qamqorlyq jasap kelgen, al qańtar oqıǵasyna ázirlik 2021 jylǵy jazda bastalǵan,  dep habarlady jýrnalıst Mıhaıl Kozachkov Vremıa gazetine shyqqan maqalasynda.

Jýrnalıst qolyna túsken tergeý materıaldaryna súıenip, Arman Jumageldıevke jappaı tártipsizdi uıymdastyrdy, zańsyz qarý ustady degen aıyptan bólek, uıymdasqan qylmystyq topty (UQT) qurdy degen aıyp taǵylyp otyrǵanyn aıtady. Jýrnalıstiń málimetinshe, Arman Jumageldıev bes jyl boıy Qazaqstandaǵy qylmys álemindegi oqıǵalarǵa jaýapty bolǵan, oǵan UQK-de isteıtin kýratorlary kómektesken.

"9 aı ótkennen keıin tergeý Jumageldıev uzaq ýaqyt ulttyq qaýipsizdik komıteti besinshi departamentiniń jetekshisi Rýslan Ysqaqovtyń baqylaýymen qyzmetin jalǵastyryp keldi degen qorytyndyǵa kelgen. Alaıda kim-kimdi óz maqsatyna paıdalanǵany tolyq túsinikti emes. Bir abzasta Ysqaqov Armanǵa Qazaqstandaǵy transulttyq qylmystyq toptardyń eldegi qylmystyq jaǵdaıǵa yqpalyn joıý úshin seriktes bolýǵa usynys jasaǵan dese, bir abzasta, Ysqaqov "Ádil Qytaı", "Aıshýaq Jantúgel" qylmystyq toptaryn ustaý boıynsha is-sharalardy uıymdastyryp, Shpek degen laqap atqa ıe Ramazan Ǵabbasovty qamaýǵa atsalysa otyryp, Jumageldıevti operatıvtik is-sharalardan qorǵap otyrǵan delinedi. Demek UQK alańdy túrli UQT-dan tazartyp, Armannyń tobyn aınalyp ketip otyrǵan. Al Jumageldıev shendi adamdardyń qamqorlyǵyna súıenip, aımaqtarǵa óz qaraýshylar qoıyp, tutas Qazaqstandy Noıs degen laqap aty bar Nurjan Imanalıevke tapsyrǵan. Imanalıev qazir túrik túrmesinde qamaýda otyr" deıdi jýrnalıst.

Mıhaıl Kozachkov qolyndaǵy derekke súıenip, qańtar búligine daıyndyq 2021 jylǵy jazda bastaldy deıdi. 

"Qylmystyq is materıaldarynda aıtylǵandaı, "tergeý barysynda anyqtalmaǵan azamattar" bılikti kúshpen basyp alýǵa kelisken. Bılikti qulatý úshin olar kezeń-kezeńnen turatyn jospar daıarlap, ol boıynsha birneshe aımaqta aldymen jappaı tártipsizdik ornatýdy kózdegen. Halyqty úreılendirip, prezıdentti otstavkaǵa ketý týraly sheshim qabyldaýǵa yqpal etý úshin úshin terrorlyq akt jasaýdy, artynsha qylmys áleminiń lıderleri men qoǵamǵa belgili adamdardan ýaqytsha "halyq keńesin" quryp, ózderiniń adamyn prezıdent etip qoıýdy josparlaǵan. Osyǵan baılanysty Rýslan Ysqaqov jappaı tártipsizdikke daıyn bolý úshin Jumageldıevke kúzet fırmasyn tirkep, qarý men shymyr jigiterdi jınaýdy tapsyrǵan" deıdi jýrnalıst.

Ol UQK qyzmetkerinen nusqaý alǵan Arman Almatyǵa 17 jeltoqsan kúni kelip, eshkimge bildirmeı, ózge UQT qatysýshylarymen kezdeskenin aıtady. Al 5 qańtarda Ysqaqov Jumageldıevke adam jınap, alańǵa barýdy tapsyrady. Arman ol jaqta máslıhat depýtaty Qaırat Qudaıbergenmen kezdesip, jaqtastarynyń áreketin uıymdastyra bastaıdy. Jumageldıevtiń tapanshamen qarýlanǵan adamdary qaladan 30-dan astam adamdy ustap, Rıts Karlton qonaqúıiniń parkıngi men Qazaqstan qonaqúıiniń banket zalynda kúshtep ustaǵan.

"Tergeý dereginshe, ol adamdardy kameraǵa túsirip, esirtki tutynǵanyn, maroderlik jasap, shetelge qashyp ketken olıgarh Muhtar Áblıazov qurǵan Qazaqstanda tyıym salynǵan "Qazaqstannyń demokratııalyq tańdaýy" saıası qozǵalysynyń múshemiz dep aıtýǵa májbúrlegen. Artynsha Ysqaqovtyń nusqaýy boıynsha ustalǵandardy UQK-ge tapsyrǵan. Armanǵa sondaı-aq aýrýhanaǵa shabýyl jasady, polıseıdi soqqyǵa jyqty, "QDT múshesin" óltirdi degen aıyp taǵylyp otyr. Bul áreketterdi Rýslan Ysqaqovtyń buıryǵy boıynsha istegen-istemegeni belgisiz" delingen is materıalynda.

"Qamshy" silteıdi
Ilmek sózder: qańtar oqıǵasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir