Kórneki sýret
Bas prokýratýra Qazaqstanda azaptaýlarǵa baılanysty qylmystar úshin jazany kúsheıtý sharalary týraly habarlady.
Bas prokýratýra baspasóz qyzmeti taratqan aqparatqa sáıkes, atalǵan maqsatta zań qabyldanǵanyn, sonyń aıasynda azaptaý úshin bas bostandyǵynan aıyrý jazasynyń eń uzaq merzimi 10 jyldan 12 jylǵa deıin uzartylǵan.
Raqymshylyq, eskirý merzimi jáne taraptardyń ókinýi men tatýlasýy negizinde qylmystyq jaýaptylyqtan bosatý azaptaý qylmysy úshin joıylǵan.
Prokýratýra málimetinshe, qylmystyq qýdalaý organdary azaptaý isterin tergegende zańbuzýshylyqtarǵa jol beredi.
"Tergeý is-sharalaryn ýaqtyly júrgizbeý dáleldemelerdiń joǵalýyna jáne dáleldenbegendikten isterdiń toqtatylýyna ákep soǵady. Jalǵan korporatıvti yntymaqtastyq shyndyqty anyqtaýǵa kedergi keltiredi. Áriptester óz qyzmetkerlerin, dálelderdi jasyrady" delingen habarlamada.
Bas prokýratýra sondaı-aq azaptaý qylmystaryn tek prokýratýra organdary tergeı alatyndaı qylmystyq-prosestik kodekske túzetýler jobasyn daıyndalǵanyn, joba qazir parlament qaraýynda ekenin atap ótti.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir