• USD 468.56

  • EUR 497.56

  • RUB 7.3

  • CNY 67.18

29 Naýryz, 11:30:35
Almaty
+35°
Eńbek jáne halyqty álemettik qorǵaý mınıstrligi vedomstvo basshysy Tamara Dúısenova "memlekettik tildi bilmeıdi" degen Ranking.kz ınternet-portalynda jarııalanyp, artynsha ózge BAQ-tarda kóshirilip basylǵan aqparat shyndyqqa janaspaıtynyn habarlady.

Mınıstrlik qazaq tili Tamara Dúısenovanyń ana tili ekenin, ol memlekettik tildi jetik meńgerip, úkimet pen parlamentte únemi qazaqsha sóz sóıleıtinin atap ótti.

"QR Ákimshilik quqyq buzýshylyq týraly kodeksiniń 73-3-baby ekinshi bóligine sáıkes buqaralyq aqparat quraldaryn paıdalana otyryp jasalǵan jala jabý (ıaǵnı, basqa adamnyń ar-namysy men qadir-qasıetine nuqsan keltiretin nemese onyń bedeline nuqsan keltiretin kórineý jalǵan málimetterdi taratý) 650 aılyq eseptik kórsetkishke deıin aıyppul salýǵa ne 25 táýlik merzimge ákimshilik qamaqqa alýǵa ákep soǵady. Otandyq BAQ ókilderinen tekserilgen aqparatty jarııalaýdy, al azamattardan feıkterge nazar aýdarmaýdy jáne aqparatty tek resmı kózderden alýdy suraımyz" delingen mınıstrlik habarlamasynda.

Ranking.kz portaly mınıstrlik eskerpesinen keıin aldyńǵy materıaldy óshirip, túzetilgen nusqasyn jarııalaǵan. Ol jerde Tamara Dúısenova qazaq, orys, aǵylshyn, nemis, ózbek sekildi 5 tildi biletini jazylǵan.

"Qamshy" silteıdi
Ilmek sózder: Tamara Dúısenova

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir