О́limge soqtyrǵan jol apattarynyń jartysyn avtomektepte oqymaǵan júrgizýshiler jasaıdy

Ishki ister mınıstri Marat Ahmetjanov kólik júrgizý tártibiniń tómendigi jol apatynyń negizgi sebepteriniń biri ekenin málim etti, dep jazady mınıstrliktiń resmı ınternet resýrsy.

– Kóp jaǵdaıda buǵan avtomektepterge qoıylatyn talaptardyń jáne júrgizýshilerdi daıarlaý sapasynyń tómendeýi yqpal etti. Qazir 747 oqý ortalyǵy bar. 2018 jyldan bastap olarǵa lısenzııalaýmen ruqsat berý alynyp tastaldy. 2020 jyldan beri olardyń qyzmetine memlekettik baqylaý joq. Daıyndyqtyń tómen sapasy úshin ákimshilik jaýapkershilik joıylǵan. Osynyń kesirinen oqý prosesi formalızmge aınaldy. Kóp mektepterde kerekti materıaldyq baza joq. Taldaý kórsetkendeı, adam ólimine ákep soqtyrǵan apattardyń 50%-y "ózderi júrgizip úırengenderdiń" kesirinen bolǵan (917-den 449 jaǵdaıda). Memleket bul salada baqylaýdy joǵaltyp alǵanyn moıyndaý kerek, – dedi Ahmetjanov Úkimettiń jol qaýipsizdigi jónindegi otyrysynda.

Bıyl polısııa 17,5 myńnan astam mas júrgizýshini ustaǵan. 20 myń júrgizýshi basqarý quqyǵynan aıyrylsa, 16 myń adam ákimshilik qamaýǵa alynǵan. 188 myńnan astam jaıaý júrginshige aıyppul salynǵan.