• USD 465.38

  • EUR 483.58

  • RUB 7.69

  • CNY 64.95

27 Qarasha, 17:29:43
Almaty
-9°
 

"Astana" halyqaralyq ǵylymı kesheni ekonomıkalyq zertteýler ınstıtýtynyń basshysy Meıram Qajyken kezekten tys prezıdent saılaýyna óz kandıdatýrasy usynylǵanyn rastady. Bul týraly QazAqparat agenttigi habarlady.

"О́tken aptada "Amanat" Qazaqstan kásipodaqtar dostastyǵy" respýblıkalyq kásipodaqtar birlestiginde jıyn bolyp, kezekten tys ótetin prezıdent saılaýyna meniń kandıdatýram usynylǵan bolatyn. Uıym músheleri qoldap daýys berdi. Erteń Ortalyq saılaý komıssııasyna baryp, úmitker retinde tirkelý jumystarymen shuǵyldanamyn" degen Meıram Qajyken QazAqparat tilshisine telefon arqyly bergen suhbatynda.

Meıram Zekeshuly Qajyken 1961 jyldyń 5 sáýirinde Pavlodar oblysynda týǵan. Ekonomıka salasyndaǵy birneshe ǵylymı maqalalar men kitaptardyń avtory.

Eńbek jolyn týǵan ólkesinde ınjener-gıdrotehnık bolyp bastaǵan (1982 jyly).

2002-2003 jyldary Pavlodar oblysy ekonomıka departamentiniń bastyǵy, 2003-2004 jyldary QR Premer-Mınıstriniń keńsesinde Úkimet basshysynyń keńesshisi, óndiris jáne ınfraqurylym salasy bóliminiń meńgerýshisi bolǵan. Sol tusta úkimetti Danıal Ahmetov basqaryp turǵan. 2010-2011 jyldary Qazaqstan ındýstrııany damytý ınstıtýtynyń dırektory qyzmetterin atqarǵan. 

Buǵan deıin Jalpyulttyq sosıal-demokratııalyq partııasy – Nurlan Áýesbaevti, "Aýyl" halyqtyq-demokratııalyq patrıottyq partııasy Jıgýlı Daırabaevti kezekten tys prezıdent saılaýyna kandıdat retinde usynǵan bolatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir