02 Qazan, 2022 NEWS
Foto: ShQO Aqparat ortalyǵy
1 jáne 2 qazanda elordada aýyl sharýashylyǵy jármeńkesi ótýde, oǵan Shyǵys Qazaqstan oblysy men Abaı oblysynyń fermerleri óz ónimderin ákeldi.
Bul kúnderi Turan 48 mekenjaıyndaǵy "Astana-Arena" stadıonynyń janyndaǵy alańda adam qarasy kóp. Astanalyqtar bal, kúnbaǵys jáne sary maı, balyq jáne basqa da ónimderdi satyp alýǵa asyǵýda. Jalpy kólemi 282 tonnany quraıtyn 70-ten astam ónim ataýy usynylǵan.
"Biz jyl saıyn jármeńkeniń Shyǵys Qazaqstannan kelýin asyǵa kútemiz. Bul aımaqtyń ónimderi árqashan joǵary sapaly, jaqsy baǵa jáne keremet dámge ıe. Qys mezgiline daıyndalyp, sol úshin bal, baý-baqsha ónimderin molynan satyp aldyq" deıdi elorda turǵyny Marhabat Qońyrbaeva.
ShQO delegasııasynyń aıtýynsha, ásirese elorda turǵyndaryna óńirdiń agroqurylymdarynyń eti, bal, balyq jáne sút ónimderi unap, erekshe suranysqa ıe boldy. Esterińizge sala keteıik, Shyǵys Qazaqstandyqtar Astanaǵa 120 tonnadan astam aýyl sharýashylyǵy ónimin, onyń ishinde 1,7 tonna sıyr eti, 0,5 tonna qoı eti, 11,6 tonna jylqy eti, 48,5 tonna bal, 14 tonna tazartylǵan jáne tazartylmaǵan kúnbaǵys maıy, 16 tonna kartop pen kókónis, 8 tonna sút ónimi, 3 tonna baqsha daqyldary, 5 tonna qus eti, 223 mln.teńgeden astam somaǵa 5,5 tonna balyq ónimi, 2 tonna shujyq ónimi, 2 tonna ulttyq taǵam jáne 3 tonna qymyz jáne Pant ónimderin alyp keldi.
ShQO Aqparat ortalyǵy
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir