• USD 465.38

  • EUR 483.58

  • RUB 7.69

  • CNY 64.95

27 Qarasha, 19:10:23
Almaty
-10°

inDriver negizin qalaýshysy – ıakýtııalyq kásipker Arsen Tomskıı. 30 qyrkúıekte kásipker AlmaU stýdentterimen kezdesý ótkizdi. Buǵan "Iаkýtııadan Kremnıı alqabyna deıin" kitabynyń qazaqshaǵa aýdarylýy sebep boldy.

inDriver kompanııasy 2012 jyly qurylǵan. 10 jylda túrli kedergilerge tap bolyp, olardy jeńe bildi. Bul týraly kásipkerdiń ózi jastarǵa aıtyp berdi:

"Adamdy dittegen jerine jetkizip salǵanǵa árkim ártúrli baǵa qoıatyn. Biz sıfrlyq teńsizdikti joıǵymyz keldi. Sondyqtan jolaýshyǵa qalaǵan baǵasyn usynyp, barar jerine arzanyraq tólep jetýge múmkindik usyndyq. Pıarǵa aqsha bólgen emespiz. Servısti ózimiz qoldan kelgenshe jarnamalaıtynbyz. Taksı qyzmetiniń qymbattaýy, adamdardyń tańdaý jasaýǵa múmkindik alýy bizge tegin jarnama boldy. Onymen qoımaı nazar aýdartý úshin neshe túrli jarnamalyq aksııa ótkizetinbiz. Aıtpaqshy, masshtabqa shyǵýdy Qazaqstannan bastadyq. Sebebi Qazaqstanǵa qonaq bolyp kelgenimde kóshede turyp-aq taksı ustaıtyn almatylyqtardy kórip tańqaldym. Eger bul naryqta óssek, odan saıyn damımyz, óse almasaq qurımyz dep bekindim. Bastapqyda aldymyzdan kedergi shyqty. Áldekimder tabys tapqymyz kelse, elý paıyzyn bólisý keregin aıtyp eskertti. Kelispedik. Ármen qaraı qarsylasa berdik. Aqyr aıaǵynda olar qasarýymyzdan sharshap, bizdi jaıymyzǵa jiberdi".

gnast

Búgingi tańda inDriver-dyń almatylyq keńsesi bar. Ol jaqta 600-ge jýyq adam jumys isteıdi. Arsen Tomskıı aldaǵy ýaqytta bul san ósedi dep otyr.

inDriver-dyń negizin qalaýshysy Almatyda stýdenttik zerthanalar ashqanyn aıtyp berdi. Ideıasy bar talantty jastar zerthanaǵa qosylyp, ártúrli jobalar jasaı alady. Mysaly, bir top jas kekeshterge arnalǵan mobıldi qosymsha jasamaq. Arsen Tomskıı qundylyǵyna sáıkes keletin jobalardy barynsha qoldaıtynyn da tilge tıek etti.

Iаkýtııalyq kásipker inDriver-dyń Qazaqstandaǵy qyzmet kórsetý sapasyn ondyq shkala boıynsha altyǵa baǵalaıdy eken. Aldaǵy ýaqytta qyzmet kórsetý sapasy joǵarylaıdy dep sendirdi.

Jazıra Baıdaly 

"Qamshy" silteıdi
Ilmek sózder: AlmaU Arsen Tomskıı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir