• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 18:39:28
Almaty
-2°

«AMANAT» partııasynyń qoldaýymen uıymdastyrylǵan «Uly dala joryǵy» atty tuńǵysh respýblıkalyq báıge-dodasy óz máresine jetti. Astana tórinen attanǵan shabandozdar Qazaqstannyń kıeli jerlerin aralap, Túrkistanǵa deıingi 1200 shaqyrym qashyqtyqty júrip ótti, deep habarlady «AMANAT» partııasynyń baspasóz qyzmeti.

Kúni keshe memleket basshysy Qasym-Jomart Toqaev Túrkistan oblysynyń jurtshylyǵymen júzdesken kezde osy báıgeniń máni men mańyzyna aıryqsha toqtalyp, «Jaqynda Astanadan bastaý alǵan «Uly dala joryǵy» sanaýly kúnnen soń Túrkistanda óz máresine jetedi. Munyń zor sımvoldyq máni bar. Osy óńirde halqymyzdyń salt-dástúri, ádet-ǵurpy barynsha saqtalǵan. Bir sózben aıtqanda, Túrkistan – halqymyzdyń qaımaǵy buzylmaǵan qasıetti mekeni», degen bolatyn.

Búgin «AMANAT» partııasynyń atqarýshy hatshysy Ashat Oralov báıge jeńimpazdaryn marapattaýǵa arnalǵan saltanatty rásimge qatysty.

«Azamat pen arǵymaqqa syn bolǵan aıtýly alaman, «Uly dala joryǵy» óz máresine jetti. Saryarqa tórinen prezıdentimizdiń quttyqtaý sózimen bastalǵan báıge túrkiniń altyn besigi Túrkistanda aıaqtalyp otyr! Jahandanýdyń jylqydan bastalǵanyn, atqa miný mádenıeti qazaq jerinen shyqqanyn bireý bilse, bireý bile bermeıdi. Oǵan eneolıt dáýirine tıesili «Botaı» qonysy dálel. Endi osyny jahanǵa pash etip, qazaq qazanatynyń myqtylyǵyn, atqa qonǵan azamatynyń erligin kórsetken joba jyldan-jylǵa jalǵasyn taba bersin. Barsha qatysýshylarǵa shyn júrekten alǵysymdy bildiremin!», – dedi Ashat Oralov.

Báıge qatysýshylaryna arnaǵan sózinde atqarýshy hatshy «AMANAT» partııasy ulttyq sportty, sonyń ishinde at sportyn damytýǵa aldaǵy ýaqytta da aıryqsha atsalysatynyn atap ótti.

Myń shaqyrymnan astam jol júrip ótken shabandaozdardy Mádenıet jáne sport mınıstri Dáýren Abaev, Túrkistan oblysynyń ákimi Darhan Satybaldy, depýtattar men qoǵam qaıratkerleri qarsy aldy.

«Mine, barshamyz Uly dalany dúbirge bólegen, 1 200 shaqyrymdy baǵyndyrǵan aıtýly alamannyń qorytyndy sátin tamashalap turmyz! Bul – buryn-sońdy bolmaǵan báıge. Otandyq sportymyz úshin de, tól rýhanııatymyz úshin de teńdessiz tarıhı oqıǵa. Keshe ǵana prezıdentimiz Qasym-Jomart Kemeluly Túrkistanǵa jasaǵan issaparynda «Uly dala joryǵy» báıgesiniń mán-mańyzyna erekshe toqtaldy. Memleket basshysy ult jadyn jańǵyrtýda mundaı alamandardyń aıryqsha qajet ekenin basa aıtty. Sondyqtan bul báıgeni keshegi batyr babalarymyzdyń joryq jolyn jańǵyrtqan, eldiń rýhyn oıatqan joba boldy deýge tolyq negiz bar», – dedi Dáýren Abaev.

On eki kúnge sozylǵan jarys qorytyndysynda kıeli shaharǵa birinshi bolyp jetken Mańǵystaý oblysynyń komandasy «Uly dala sarbazy» ataǵymen marapattalady.

Foto:  «AMANAT» partııasynyń baspasóz qyzmeti

Al júldeli 2-shi oryndy Jetisý óńiriniń shabandozdary qanjyǵalasa, 3-shi oryndy Túrkistan oblysynyń komandasy ıelendi. 4-shi bolyp máre syzyǵyn Jambyl oblysynyń shabandozdary kesip ótti. Barlyq jeńimpazdarǵa qomaqty qarjylaı syıaqy tabystaldy.

Foto:  «AMANAT» partııasynyń baspasóz qyzmeti

«Búgin biz qazaq rýhanııaty men sporty úshin asa mańyzdy jıynda bas qosyp otyrmyz. Qazaqstanda tuńǵysh ret uıymdastyrylǵan «Uly dala joryǵy» báıge-marafony qasıetti qalamyzda máresine jetti. Bul – Túrkistan óńiri úshin úlken qurmet ári mártebe. Eki aptadaı úzdiksiz jortyp, qıyndyqtarǵa moıymaǵan shabandozdarǵa aıryqsha alǵys aıtamyn. О́ıtkeni bizdiń atbegilerimiz ben shabandozdarymyz 1200 shaqyrymdy basyp ótip, erlik jasap otyr. Ulttyq qundylyqtarymyzdy dáriptep, qazaqty at sportyna jeteleıtin osyndaı jobalar jalǵasyn taba bersin», – dedi Darhan Satybaldy.

Esterińizge sala keteıik, tuńǵysh respýblıkalyq báıge-dodasy 18 qyrkúıekte bastaý alyp, 19 komandanyń 100-den astam shabandozy atqa qonǵan bolatyn. Iаǵnı, elimizdiń ár óńirinen dodaǵa 1 komandadan qatysty. Báıge 100 shaqyrymdyq 12 satyǵa bólinip, oǵan qatysýshylar elimizdegi kıeli jerlerge at basyn buryp, tarıhı oryndarǵa zııarat etti. Alaıda qatysýshylardyń basym bóligi báıgeniń aýyr synaǵyna tótep bere almaı, jarys jolynan shyǵyp qaldy.

Foto:  «AMANAT» partııasynyń baspasóz qyzmeti

Foto:  «AMANAT» partııasynyń baspasóz qyzmeti

Báıge barysynda barlyq qatysýshylar demalys orynymen, azyq-túlikpen jáne qajetti medısınalyq kómekpen qamtamasyz etildi. Sóıtip, «AMANAT» partııasy, «The Great Steppe Tour» qoǵamdyq qory men Ulttyq sport túrleri qaýymdastyǵy, QR Mádenıet jáne sport mınıstrligi uıymdastyrǵan uly dúbir Túrkistan qalasynda túıindeldi.

Foto:  «AMANAT» partııasynyń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir