Pýtın Herson jáne Zaporoje oblystarynyń táýelsizdigin moıyndaý týraly jarlyqqa qol qoıdy

Reseı prezıdenti Vlaadımır Pýtın Herson jáne Zaporoje oblystarynyń táýelsizdigin moıyndaý týraly jarlyqqa qol qoıdy, dep habarlady RIA Novostı. Qujat resmı ınternet portalda jarııalandy. 

"Halyqaralyq quqyqtyń jalpylaı qabyldanǵan qaǵıdattary men normalaryna sáıkes, BUU Jarǵysynda bekitilgen halyqtardyń teń quqyqtary men ózin-ózi bıleý prınsıpin rastaı otyryp, 2022 jylǵy 27 qyrkúıekte ótken referendým nátıjesin eskerip Qaýly etemin: Zaporoje/Herson oblysynyń egemendigi men táýelsizdigin moıyndaý týraly sheshim qabyldadym", delingen qujatta. 

Búgin tústen keıin Kremlde okkýpasııalanǵan oblystar men separatıstik DHR men LHR "Reseı quramyna kirý" týraly sharttarǵa qol qoıý rásimi ótedi.

Reseı basyp alǵan Lýgansk, Donesk, Herson, jáne Zaporoj oblystarynda 23-27 qyrkúıek kúnderi Reseıge qosylý boıynsha referendým ótken. Onyń nátıjesin BUU men Eýroodaq, AQSh-pen qatar Qazaqstan da moıyndamaıtynyn málimdegen.