29 Qyrkúıek, 2022 NEWS
Foto: Ýkraїnska pravda
Fınlıandııa 30 qyrkúıekten bastap Reseımen shekarany jappaq. Bul týraly Yle jergilikti memlekettik teleradıokompanııasy habarlady.
Búgin ótken fın úkimetiniń otyrysynda qaýly qabylǵanǵan. Oǵan saı, Reseılikter endi Fınlıandııaǵa týrıstik sapar jasaı almaıdy. Tipti ózge elge barý úshin de fın shekarasynan óte almaıdy. Fınlıandııaǵa Reseıden tek gýmanıtarlyq sebeppen ǵana kirýge ruqsat etilmek.
Fın úkimeti Reseıden aǵylǵan azamattar Fınlıandııanyń Shengen kodeksine negizdelgen halyqaralyq qarym-qatynasyna nuqsan keltiredi dep sanaıdy.
Reseıdegi mobılızasııadan keıin kórshi eldermen shektesetin shekaralarynyń barlyǵynda elden shyqqysy kelgenderdiń birneshe shaqyrymǵa sozylǵan keptelisi áli seıilgen joq. Reseılikterdiń shetel asýyn toqtatý úshin túrli Kreml de shara qabyldap jatyr.
Máselen, Reseıdiń Astrahan oblysynyń Qazaqstanmen shekara beketinde mobılızasııalyq pýnkt ashylmaq. Al keshe Fınlıandııamen shekaradaǵy "Torfıanovka" beketinde shaqyrý pýnkti ashylǵan. Grýzııamen shekardaǵy "Verhnıı Lars" beketinde azamattar shekarany zańsyz kesip ótýge tyrysqan jaǵdaıǵa dep oq ótkizbeıtin áskerı tehnıka qoıylǵan. Soltústik Osetıada tipti elden shyǵýǵa shektep qoıyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir