• USD 465.38

  • EUR 483.58

  • RUB 7.69

  • CNY 64.95

27 Qarasha, 17:46:03
Almaty
-9°
 

Separatıstik Lýgansk Halyq Respýblıkasy men Reseı basyp alǵan Ýkraınanyń Herson oblysynyń Reseı tarapynan taǵaıyndalǵan basshysy Reseı prezıdenti Vladımır Pýtınge Reseıge qosylý týraly ótinishpen júgindi, dep jazady VVS.

Reseı basyp alǵan Lýgansk, Donesk, Herson, jáne Zaporoj oblystarynda 23-27 qyrkúıek kúnderi Reseıge qosylý boıynsha referendým ótken. Onyń nátıjesin BUU men Eýroodaq, AQSh, tipti Qazaqstan da moıyndamaıtynyn málimdegen.

Reseı basyp alǵan aımaqtardyń ákimshilikteri referendým sátti ótti dep habarlaǵan. Lýgansk Halyq Respýblıkasynyń ákimshiligi Reseıge qosylýdy azamattyrdyń 98,42 paıyzy, Donesk Halyq Respýblıkasynyń ákimshiligi halyqtyń 98,69 paıyzy, Zaporoj oblysynyń resmı tulǵalary turǵyndardyń 93,11 paıyzy, Herson oblysynyń basyp alynǵan aımaǵyndaǵy ákimshiligi halyqtyń 87,05 paıyzy Reseıge qosylýǵa keliskenin habarlady.

Ýkraına men BUU soǵys kezinde bóten eldiń aýmaǵyn basyp alý úshin asyǵys ótkizilgen prosedýra referendým bolyp sanalmaıtynyn, álemdiń qaýymdastyq aldynda quqyqtyq kúshi bolmaıtynyn málim etti.

Ýkraına prezıdenti Vladımır Zelenskıı Reseı áreketin aýmaqty anneksııalaý dep baǵalap, "bul – BUU jarǵysyn qatań buzý ári halyqaralyq quqyq normalaryn óreskel elemeý áreketi" dedi.

Zelenskııdi BUU bas hatshysynyń saıası máseleler boıynsha orynbasary Rozmarı Dı Karlo da qoldap, referendým 4 aımaq turǵyndarynyń shynaıy pikiri bola almaıtynyn jetkizdi.

Al NATO-nyń bas hatshysy Iens Stoltenberg referendýmdy legıtımdi emes dep jarııalap, halyqaralyq quqyq óreskel buzylǵanyn atap ótti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir