• USD 472.17

  • EUR 495.5

  • RUB 7.57

  • CNY 67.74

09 Jeltoqsan, 11:03:21
Almaty
-8°
Soltústik Qazaqstan oblysynda reseılikterdiń aǵylýyna baılanysty jaldamaly páterlerdi tekserý sharalary bastaldy, dep habarlady AstanaTV arnasy.
 
Resmı málimetke sáıkes, 21 qyrkúıekten beri Soltústik Qazaqstan oblysynda Reseıden kelgen 30 myńnan astam adam tirkelgen. Qazirgi kezde kelýshilerdiń sany azaıǵan. Sebebi Reseı jaqtan áskerı mindeti bar azamattardy baqylaý sharalary kúsheıgen.
 
Degenmen, soltústik óńirge kelgen reseılikter az emes. Bireýler tranzıtpen basqa elge ushyp ketýdi kózdese, endi bireýler jumys izdeýge kiristi. Biraq baspana máselesi qıyn bolyp tur, kóbisi vokzalda túneýge májbúr.
 
Al Soltústik Qazaqstan oblystyq polısııa deparatmentiniń kóshi-qon basqarmasy tekseris sharalary bastalǵanyn jarııalady.
 
"Qazirgi kezde ýchaskelik ınspektorlar, kóshi-qon qyzmeti, prokýratýra men ákimdik qyzmetkerleri kiretin mobıldi toptar quryldy. Olar kásiporyndardy, uıymdardy, hostelderdi, qonaq úılerdi, sondaı-aq, adam kóp turatyn páterlerdi tekseredi" deıdi basqarma bastyǵynyń orynbasary Ermek Núsirbaev.
 
Aıta keteri, kórshi elde ishinara mobılızasııa jarııalanǵan sátten bastap Qazaqstanǵa 98 myńǵa jýyq reseılik kirgen. Al shyǵyp ketken reseılikterdiń sany 64 234 adamdy qurap otyr.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir