• USD 465.38

  • EUR 483.58

  • RUB 7.69

  • CNY 64.95

27 Qarasha, 17:24:23
Almaty
-9°

Premer-mınıstr Álıhan Smaıylov elge kelip jatqan reseılikterge jumys taýyp berý kerek degen sózi áleýmettik jelide jurtshylyq narazylyǵyn týdyrǵan soń aqtalýǵa májbúr boldy.

Úkimet basshysy keshe kóshi-qon máseleleri jónindegi keńes ótkizip, reseılikterdi qutty qonaqtaı qarsy alýǵa, jaǵdaıyn jasaýǵa baǵyttalǵan birqatar tapsyrma bergen. Eńbek jáne halyqty áleýmettik qorǵaý mınıstri Tamara Dúısenovǵa mıgranttardy óńirler boıynsha ornalastyrý, jumysqa turý yqtımaldyǵyn qarastyrý jáne keńes berý máselelerimen shuǵyldanýǵa tapsyrdy.

 

"Eldegi quqyqtyq tártip pen qaýipsizdikti qamtamasyz etý jónindegi jumysty kúsheıtý, sondaı-aq kelip jatqan reseılikterge járdem kórsetý kerek: EAEO zańnamasyna sáıkes olardy ýaqytyly tirkep, eńbekpen qamtý máselelerin qarastyrý qajet. Bul oraıda jalǵa beriletin turǵyn úı naryǵyndaǵy ahýaldy turaqtandyrý boıynsha sharalar qabyldaý mańyzdy" degen Álıhan Smaıylov. 

Smaıylov artynsha facebook paraqshasynda jazba jarııalap, bergen tapsyrmalaryn qaıtalap ótti. Sol-aq eken premer-mınıstr jazbasy azamattardyń narazy pikirine tolyp ketti. Kópshilik narazylyǵy úkimet basshysy óz azamattaryn jaryta almaı júrip, ózgeni jumyspen qamtý kerek degeni qaı sasqany degen sarynda. Smaıylovtyń otstavkasyn talap etkender de az bolmady.

Endi búgin Smaıylov aıtqan sózderiniń óńin ózgertip, aqtalyp jatyr.

Sózinshe, jınalystaǵy málimetterge baılanysty qoǵamda durys túsinbeı jatqandar bar eken.
 
 
"Biz halyqaralyq mindetterimizdi oryndaı otyryp, óz elimiz ben halqymyzdyń múddesinen joǵary qundylyq joq ekenin umytpaýymyz qajet. Eń mańyzdy máseleniń biri – quqyqtyq tártip pen qaýipsizdik. Sonymen birge arendalyq turǵyn úı baǵalarynyń ósýinen óz azamattarymyz qıyn jaǵdaıǵa tap bolyp otyr. Jaýapty organdar turǵyn úı naryǵyndaǵy ahýaldy turaqtandyrý boıynsha tıisti sharalardy qabyldaý qajet. Ony biz keshe aıttyq. Eńbekpen qamtý boıynsha eń aldymen qazaqstandyqtardyń jaı-kúıi, jumys jaǵdaıy biz úshin prıorıtet. Barlyq kásiporyndar men mekemeler osyny esten shyǵarmaý kerek. Al, kórshiles elden kelgen mıgranttar belgilengen zańnama sheńberinde ǵana eńbek ete alady" deıdi keshegi sózderin jýyp-shaıǵandaı bolyp. 

Smaıylov daý týdyrǵan keshegi jazbasyn da ózgertip, reseılikterge járdem kórsetý,  eńbekpen qamtý máselelerin qarastyrý qajettigi týraly aıtqandaryn alyp tastaǵan.

"Qamshy" silteıdi
Ilmek sózder: Álıhan Smaıylov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir