26 Qyrkúıek, 2022 NEWS
Foto: Egov Press telegram kanaly
Eks-prezıdent Nursultan Nazarbaevtyń nemere inisi Qaırat Satybaldy 6 jylǵa bas bostandyǵynan aıyryldy.
Qaırat Satybaldy kánásin moıyndap, keltirilgen zalaldy memleketke qaıtarý arqyly anaǵurlym "jumsaq" sot úkimine – sottaý merzimin jartysyn deıin qysqartýǵa qol jetkizgen.
Sot sheshimine saı, onyń dúnıe-múlki tárkilenip, 10 jylǵa memlekettik qurylymda qyzmet etýge tyıym salyndy. Jazasyn qaýipsizdigi ortasha mekemede óteıdi.
Ulttyq qaýipsizdik organynyń general-maıor sheninen, "Qurmet", "Parasat" ordenderinen aıyrylady.
2022 jylǵy 13 naýryzdan sot úkimi shyqqanǵa deıingi qamaýda otyrǵan merzimniń ár kúni jaza óteýdiń bir jarym kúnine teńestiriledi. Demek Satybaldy ózine kesilgen 6 jyldyń 9 aıyp ótep tastady degen sóz.
Qaırat Satybaldy 13 naýryz kúni qamaýǵa alynǵan. Ol "Qazaqtelekom" AQ-tyń qarjysyn jymqyrdy dep aıyptalǵan.
Onymen birge sottalýshylardyń basym kópshiligine qarjy jymqyrdy, aldaý jolymen zalal keltirdi, senimge kirip, ony óz paıdasyna paıdalanǵan degen aıyp taǵyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir