Mınıstr jaldamaly páter máselesine qatysty pikir bildirdi

Eńbek jáne halyqty áleýmettik qorǵaý mınıstri Tamara Dúısenova jalǵa beriletin páter baǵasynyń ósýine qatysty pikir bildirdi, dep jazady Ulysmedia.kz portaly.

Mınıstrdiń aıtýy boıynsha bul másele Básekelestikti qorǵaý jáne damytý agenttiginiń baqylaýynda jáne jaqyn arada máselege qatysty agenttik ókilderi óz usynystaryn aıtatyn bolady. 

"Bizde jaldamaly páter naryǵy tolyq rettelmegen. Kóleńkeli tustary da joq emes. Men bul máseleni retteý kerek degen pikirdemin. Páter ıesiniń de, jalǵa alýshy azamattyń da múddelerin qorǵaı otyryp máseleni sheshý kerek", dedi mınıstr. 

Budan bólek, mınıstr  jaldamaly páter naryǵyn memleket qalaı rettestire alatynyn túsindirdi. 

"Naryqty retteý degenimiz páter ıesine óz múlkin qanshaǵa jalǵa beretinin aıtý emes. Retteý degenimiz – bolashaqta olardyń múddelerin qorǵaý úshin qansha páter jalǵa berilgenin jáne bul tulǵalar salyq tóleýshi ​​bolyp tabylatynyn bilý úshin arnaıy tizim jasaqtaý", dedi Dúısenova.