• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 19:42:48
Almaty
-3°

Syrtqy ister mınıstrliginiń resmı ókili Aıbek Smadııarov Qazaqstan separatıstik Donesk pen Lýgansk halyq respýblıkalary (Donbass) men Ýkraınanyń Herson jáne Zaporoj oblystaryn Reseıge qosý boıynsha ótip jatqan referendým nátıjesin moıyndamaıtynyn meńzedi.

 

Aıbek Smadııarovtyń pikiri anyq ári naqty bolmaǵanymen, ol Qazaqstan aýmaqtyq tutastyq, halyqaralyq quqyq qaǵıdalaryn berik ustanatynyn atap ótti. Osy prınsıpterge súıengen batys elderi referendýmdy legıtımdi emes dep, nátıjesin moıyndamaıtynyn málim etken. 

23 qyrkúıekte Reseı áskeri basyp alǵan Ýkraınanyń Donesk, Zaporoj, Lýgansk jáne Herson oblystarynda Reseıge qosylý boıynsha bes kúndik "referendým" bastalǵan. Prosedýra Ýkraına turmaq Reseı zańyna qaıshy ótip jatyr. Reseı zańy boıynsha referendýmǵa bastamashyl bolyp, uıymdastyryp, ótkizý kemi tórt aıdy qamtýy kerek. Ýkraın zańy boıynsha el aýmaǵyna ózgeris jalpyýkraındyq referendýmda ǵana qarala alady.

О́zin táýelsiz dep jarııalaǵan DHR men LHR turǵyndaryna "Reseı Federasııasynyń qataryna qosylýdy qalaısyz ba" degen mazmundaǵy bir ǵana saýal qoıylady. Al basyp alynǵan Zaporoj ben Herson oblystary azamataryna úsh saýal qoılady. Olar Ýkraına quramynan shyǵý, jeke memleket retinde oblys bolyp qurylý jáne Reseı Federasııasynyń quramyna qosylý týraly bolmaq.

 

Batys sarapshylary Kreml referendým arqyly joǵaryda atalǵan aımaqtardy ózine qosyp alǵannan keıin, Ýkraınanyń azat etý kúresin ózine jasalǵan agressııa retinde baǵalap, jalpyhalyqtyq mobılısasııa jarııalaýy múmkin ekenin aıtady. Sarapshylar tipti ıadrolyq qarý qoldaný qateri arta túsýi múmkindigin de joqqa shyǵarmaıdy.

Jýrnalıst, quqyqqorǵaýshy Sergeı Dývanov Qazaqstan qol qoıǵan Reseımen áskerı seriktestik týraly kelisim-shart pen UQShU aıasynda Qazaqstan Reseıge shabýyl jasalsa, ásker jiberýge mindetti ekenin málim etken. Alaıda referendým nátıjesin Qazaqstan moıyndamaıtyndyqtan, referendýmnan keıin Reseı jeri dep tanylǵan jerlerdegi urys Qazaqstan úshin ásker kirgizýge sebep bola almaıdy.
 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir